Downtown Hot Dog (已結業)

好啦我又來荃灣搵我好姊妹啦，兩個女仔諗住求求其其食啲嘢，喺如心廣場見到有熱狗，就即刻狗衝去食。 我叫左意大利黑松露醬熱狗，加＄18就變套餐，有一個小食同一杯野飲。 先講下個熱狗，一黎到已經香到不得了，啲醬仲要多到㵼晒出嚟，賣相相當吸引。一咬落去覺得個包烘得未夠香脆，但勝在主角條熱狗腸搭救，條腸非常多汁，中間仲要係芝心，所以小姐呢個芝士愛好者決定大大加分。 個薯條都炸得唔錯，好脆但又唔會燶。 總括嚟講50幾蚊有個熱狗有薯條又有嘢飲都算係質素幾好架啦，有機會會再嚟食。