반찬앤쿡 Banchan and Cook (時代廣場) (已結業)

同事話 Banchan & Cook 近排轉 LuLu 豬做主題。 咁又係時候朝聖一番了。 餐廳已將LuLu 豬放置哂四周， 大家可以慢慢打卡。是日午餐LULU豬粉紅慶典蛋包飯 - 呢個蛋包飯都係相機行先，米飯已經整左隻LuLu 豬出黎， 加埋一切開就湧出黎嘅蛋汁， 真係正。 蛋味超濃， 好香好滑。焦糖脆脆炸雞LULU FUN享桶 - 設計得好似戲院爆谷Feel。 炸雞上面重有少少爆谷， 幾特別。 炸雞外脆內軟， 有肉汁， 熱辣辣。 配上蜜糖醬， 好食好食。BIG LU漢堡 - 超多芝士判碟， 芝士控必點， 漢堡扒煎得好好， 剛剛熟， 好juicy, 要讚係個麵包， 好脆好香口， 正。暖LULU香蕉朱古力奶 - 天氣咁凍 飲杯熱辣辣嘅朱古力奶， 身體即時暖返哂， 甜度剛好， 最緊要係朱古力奶上面又係有隻LuLu 豬。