二十道

呢排都見到好多朋友左日本旅行，我又要湊BB冇得去日本，今日去開北角探朋友，就去左試一間日本料理，一見到個餐牌已經見啲拉麵好特別好吸引，所以決定叫一叫拉麵🇯🇵雪酒拉麵(魷魚一夜干）（$86）同坊間嘅拉麵唔同，佢哋主打係自家湯底，用清酒湯底，我真係好少見，再加上雞白湯，飲到停唔到口，最後我成碗飲曬，魷魚同d配料都好出色，值得一叫👍🏻孰成刺身丼$98黎得食日本野梗係要食魚生啦，個刺身丼樣樣都非常新鮮，尤其係帆立貝，熟成油甘魚，非常好味，重點係連個壽司飯都好好味 醋嘅比例控制得恰到好處🤩轉套餐（+$30）轉套餐有小食同野飲 (烏龍茶/可樂)岩溶蝦球蝦肉好鮮甜配埋流心鹹蛋黃，非常驚喜，好抵食🍤吉列蠔酥脆可口，香口野我就最岩🦪呢間行街坊路線嘅日本野質素非常之高，樣樣嘢都好用心去做，而且價錢一啲都唔貴，午餐單點都非常之好，食咗咁多野都係二百幾蚊，依間日本嘢來講真係非常之抵食，拉麵湯底真係誠意之作，淨係飲佢個湯都抵😋因為座位有限，我食緊嘅時候出邊都有幾枱等緊，大家如果想食就最好book左位先‼️