名代宇奈備長炭燒鰻魚飯專門店 (iSQUARE國際廣場) (已結業)

一兩年前食過一次lunch，同今次一樣都係好靜，得五六枱客左右，因為鰻魚飯始終係貴啲嘅選擇(但唔洗加一)，而且唔係人人食鰻魚，不過呢幾年名代宇奈都多左非鰻魚飯嘅選擇。*溫玉鰻魚丼 $78lunch包野飲+赤味噌湯，偏鹹🌝鰻魚丼賣相非常好，味道普通地好食，要知道要食到好好食嘅鰻魚飯好難，更加唔好提佢嘅價錢💸鰻魚丼嘅鰻魚肉粒厚身冇骨，肉質嫩滑，味道恰到好處，呢個價錢就唔會講求魚皮要脆、要有炭燒味架啦。溫泉蛋熟度perfect但係凍冰冰🥲，同熱嘅鰻魚唔夾。丼飯份量夠多，但凍得好快，而且冇米香飯香。