炑八韓烤 (偉華中心) (已結業)

星期六中午一點鐘到，見入面餐廳大約五成座位有人坐， 餐廳內面裝修較為昏暗，以黑灰色tone為主。我哋四人叫咗午餐定食，set lunch 燒肉餐 可揀三款燒肉，大約118蚊一個餐， 有包嘢飲 ，有唔同肉類可以選 例如有單骨雞翼、牛舌、牛肩肉、 五花腩 等等， 每種肉大約得三片， 份量略少😑， 大食啲應該覺得唔夠飽，有部分肉佢已經預先調味 ，有啲蒜蓉喺上面，有啲燒汁喺上面，仲有烤爐側邊 泡菜蛋 同埋粟米芝士，無限添加。 我哋發現全間餐廳枱面都冇調味料畀你，其他燒肉餐廳 基本 會有啲salt /pepper或者另類調配 嘅肉汁， 佢呢度就欠奉😒。如果唔食燒肉，可以嗌湯烏冬/湯麵或蛋包飯或 炒飯類 或者其他韓式炸雞，都幾多選擇。