梅丘壽司の美登利総本店 (新城市廣場一期)

營業中

休息中

話說梅丘壽司美登利喺新城市廣場開第三間FC分店。地點都算方便，所以就即管去食啦。午市推出咗Set lunch，價錢由$108至$248，除主食外，仲跟埋茶碗蒸同赤味噌湯，而且到下晝五點先完，都算幾抵。極上吞拿魚丼：6塊大大塊吞拿魚、全部部係中拖羅/大拖羅。一份大約半個拳頭嘅吞拿魚腩蓉、4粒角切吞拿魚，全部都好新鮮美味。飯嘅份量都唔少，依個set好飽肚嫁。鰻魚壽司天婦羅御膳食個set嘅刺身丼，顧客可以從海鮮刺身丼、蟹肉帶子丼或者豪華三色丼裡面三選一，如果豪華三色丼，就要加多$30喇。大大條嘅鰻魚，絕對俾你眼同口嘅滿足感。天婦羅有蝦、白魚、帶子、等等。老實講，天婦羅只屬於一般水準，不過不失。三個丼，我就揀咗蟹肉帶子丼。蟹肉鮮甜，帶子亦好新鮮，食到底部，裡面原來仲有角切玉子同飛魚子，真係好驚喜。