麥當勞 (已結業)

每星期總有一日要黎彩虹番工，之前都係去美心。但呢間美心實在太恐佈，又舊，又多一些唔正常嘅人幫襯。所以今次去咗麥記，感覺好好多，因為無美心咁舊，又多d學生。要了mc rib單包，加蘋果批。mc rib size 奇細，仲細過隻手掌，好在加多個蘋果批，如果唔係一定唔夠飽。mc rib 個包好鬆軟，塊豬柳又真係幾滑，唔鞋口。燒烤醬汁好惹味，不過咸咗少少；中間夾埋洋蔥，唔錯。蘋果批正正常常，夠熱夠脆，又多蘋果粒。