影片
更多
2020-10-06
6400 瀏覽
約咗友人食飯，佢有推介呢一間，話CP值Max。佢之前挑機過意粉，太大碟食唔晒。今次我就唔食意粉食其他啦。Burrito就黎有我前臂咁長，上面有蕃茄汁，仲有蜜糖！Burrito最邊位烤到脆身。一切開就見到拉絲芝士，喜出望外。一望入面塞滿左芝士同埋煙肉，一啲空位都冇。就芝士嘅顏色黎睇都已經有兩款，不專業估計係mozzarella 同埋車打。每一口都大滿足。薯角炸得脆口，就算識咗好耐都唔會淋曬。薯角本身調咗味，唔會淡茂茂，最滿意係佢面頭有蜜糖。分量大得驚人，係M記3-4倍。如果唔係肚皮有限，I can do this all day！所以配餐係一個正確嘅選擇。雖然飲品冇得轉特飲，但係食食下就發覺杯紅茶嘅重要性，因為需要消一消濟。唯一一個「錯誤」嘅決定係叫多咗個薯蓉share食，好飽啊！冇錯連玫瑰雞翼薯容都係mega size，雞翼都足足有六隻。可惜雞翼冇乜特別，冇玫瑰味亦都冇經過燒烤嘅味道，雞皮亦有啲太淋同油，所以雞翼係較遜色。但薯蓉又有驚喜，因為又有芝士。成大片片裝芝士半溶喺薯蓉面頭。薯蓉口感亦都比坊間好，因為佢除咗打到蓉曬，仲有少少粒粒嘅薯仔。比起只係口感順滑嘅薯蓉，我更加鍾意呢一種。好
Burrito就黎有我前臂咁長，上面有蕃茄汁，仲有蜜糖！Burrito最邊位烤到脆身。一切開就見到拉絲芝士，喜出望外。一望入面塞滿左芝士同埋煙肉，一啲空位都冇。就芝士嘅顏色黎睇都已經有兩款，不專業估計係mozzarella 同埋車打。每一口都大滿足。
燻香煙肉墨西哥卷餅
$49
200 瀏覽
0 讚好
0 留言
薯角炸得脆口，就算識咗好耐都唔會淋曬。薯角本身調咗味，唔會淡茂茂，最滿意係佢面頭有蜜糖。分量大得驚人，係M記3-4倍。如果唔係肚皮有限，I can do this all day！所以配餐係一個正確嘅選擇。雖然飲品冇得轉特飲，但係食食下就發覺杯紅茶嘅重要性，因為需要消一消濟。
薯蓉配玫瑰雞翼
123 瀏覽
0 讚好
0 留言
唯一一個「錯誤」嘅決定係叫多咗個薯蓉share食，好飽啊！冇錯連玫瑰雞翼薯容都係mega size，雞翼都足足有六隻。可惜雞翼冇乜特別，冇玫瑰味亦都冇經過燒烤嘅味道，雞皮亦有啲太淋同油，所以雞翼係較遜色。但薯蓉又有驚喜，因為又有芝士。成大片片裝芝士半溶喺薯蓉面頭。薯蓉口感亦都比坊間好，因為佢除咗打到蓉曬，仲有少少粒粒嘅薯仔。比起只係口感順滑嘅薯蓉，我更加鍾意呢一種。
好彩友人食得，神carry我，最後只係剩返少少薯角，我已經盡力啦。隔離枱有四個學生哥，真係要稱佢哋為勇士，唔知係唔係初生之犢不畏虎。佢哋叫咗一個牛肉沙律意粉，兩碟意粉，一件burrito，一客薯條，一客洋蔥圈。食到一半都冇佢哋已經投降，十分禮讓，甚至仲有人話：「我唔食牛㗎，我食素㗎」。
注意地方：
1. 大家要有足夠嘅胃口先嚟食呀。不過見隔離情侶食唔晒都可以打包嘅。
2. 自己一個嚟食就小心啲個肚皮爆。
2. 餐具要自己出去攞。
張貼
