影片
更多
2007-06-27
15 瀏覽
散場７點正，扶手電梯落一層，魯一居已經一棚人等位，飛話两位要等5張，但係從外面睇都有d 4人吉。我準備走埋去話3或4位睇會唔會straight in時候，螢子拉我走，結果去呢度。螢子消化不良，冇打邊炉。叫小菜佢呢樣又唔好、樣又唔食，話食d清清，結果佢第一樣揀煎瑤柱蓮藕餅（激死！咁叫清清?） 佢話無乜胃口，只叫多两個小菜–煎釀豆腐拼燒肉＋百靈菇扒雙蔬, 心忖唔知夠唔食。幫我寫單個女侍應烚得很，叫佢寫時候佢已經四圍望想叫黑衣部長幫拖，唔知一個都無，於是衫袋喥出纸硬著頭皮親自操刀。講名，佢收唔到，咁講把啦，总共３個４位数字，都落得好慢，重要refer番menu慢慢抄番個名落佢張纸同我張咭喥！佢行去counter喥係725pm，之後我見到其他落完單都有張電腦printout attached埋張咭喥，係我冇。唔放心於是搵個年青黑衣男部長A check有冇落單，佢check完話有，於是放心等。呢間德興楼底高，新乾淨企理，不過唔夠冷氣，加上唔少人食火，冷氣應該開大Ｄ。等一輪，第一味终於出場，係煎釀豆腐拼燒肉。我坐張圓中間位當時乜都冇，個位傳菜／侍應先生當時亦只係得我個碟係個tray喥，佢居然將碟（
螢子消化不良，冇打邊炉。叫小菜佢呢樣又唔好、樣又唔食，話食d清清，結果佢第一樣揀煎瑤柱蓮藕餅（激死！咁叫清清?）
佢話無乜胃口，只叫多两個小菜–煎釀豆腐拼燒肉＋百靈菇扒雙蔬, 心忖唔知夠唔食。
幫我寫單個女侍應烚得很，叫佢寫時候佢已經四圍望想叫黑衣部長幫拖，唔知一個都無，於是衫袋喥出纸硬著頭皮親自操刀。講名，佢收唔到，咁講把啦，总共３個４位数字，都落得好慢，重要refer番menu慢慢抄番個名落佢張纸同我張咭喥！
佢行去counter喥係725pm，之後我見到其他落完單都有張電腦printout attached埋張咭喥，係我冇。唔放心於是搵個年青黑衣男部長A check有冇落單，佢check完話有，於是放心等。
呢間德興楼底高，新乾淨企理，不過唔夠冷氣，加上唔少人食火，冷氣應該開大Ｄ。
等一輪，第一味终於出場，係煎釀豆腐拼燒肉。我坐張圓中間位當時乜都冇，個位傳菜／侍應先生當時亦只係得我個碟係個tray喥，佢居然將碟（長方形）放離我最遠边！然后從碟中欏走張纸仔就粒聲唔出、眼尾唔睄咁走！
叫一粥一飯，白飯一上螢子同我齊齊oh一聲，因為淨睇都知d飯偏軟淋，而我係從來唔食軟淋飯。此乃個人喜好，怪不得人。公平起見，將之擱在一旁前試了一小口，果然又軟又散又唔熱又無飯味，心安理得棄之。這時候螢子問我要否做勞作，要的話她那碗漿糊可派上用場。我好奇地試了一口，果然又杰又爛又唔熱又無米香，亦順利棄之。
食至怕温温吞吞，两頭唔到岸。要嗎讓我涼透心、要嗎给我熱騰騰，正是辣要辣得過癮、酸要酸到夠喉。
第一碟味道一般，吃完後藕餅出場，仍然放在我遙遠的附近–边！
藕餅屬於蓮藕切碎混於其中的一類，味道不俗，瑤柱絲清晰可見，但太多油，而且很少蓮藕。似乎蓮藕不會比肉貴吧，多加無妨掛？
第二碟將盡時，第三碟也到了。但造型上跟百靈菇扒雙蔬風馬牛不相及，於是叫年青黑衣男部長A來了解一。之後佢著碟四圍行，週圍問d伙記，中途有客問佢點菜，佢重將碟放住係先，慢慢同個客講解。唔係嘛！你係都幫我處理先啦！最终佢搞成好幾分鐘先走番欏埋我張咭去處理。
良久，依然冇聲冇氣，年青黑衣男部長A主動埋問係唔係未，我話答案你肉眼可見，非常明顯啦！佢話確實係佢煮錯，家個行政經理处理緊。雖然佢一直都好有禮貌，唔好意思前，唔好意思後咁，但係個行政經理处理緊即係點？行政总煮緊就話！我特登話：”等碟到，我d粥、飯都凍哂啦！”年青黑衣男部長A好有禮貌咁話“幫你换過”，我拒絕佢好意，因為换極都唔會好食。不過至少態度正面。
等到840pm，頂唔順，靈丸已經一觸即發之際，年青黑衣男部長A就捧碟！
百靈菇扒雙蔬–唔知我有冇搞錯呢，草菇唔算”蔬”掛? 佢居然係百靈菇扒小棠菜及草菇！碟好多油，唔好食。我估呢喥都係食火罷啦！
趕時間，食到一半已經叫年青黑衣男部長A埋单，因為用恒生咭半價所以叫埋單同時亦遞上恒生咭, 年青黑衣男部長A問我“用恒生咭呀何？”，我答係，不過佢無收我張咭，重叫某侍应咭去櫃面先。後來一位中年黑衣女經理欏單來，我見佢無半價就同佢解釋剛才情況，點知佢仲話”要埋單前欏張咭出喎！”我好扯火，佢個”喎”字未出我已經講我晨早就欏咭出叫埋單，重遞上恒生咭，係個部長死唔收！佢居然問我係边個？哈！呢個係追究責任時候咩！正想發脾四之際，年青黑衣男部長A露面，我立即指住佢話係佢！
認人手續做完，中年黑衣女經理走过去同年青黑衣男部長A講一輪先去再埋單。
花太多時間一餐，去太興食多餐好過。
吃我一記靈丸！
張貼