影片
更多
2024-11-17
159 瀏覽
MIKIKI最浪漫餐廳 - TAPAS BREW閏蜜同我慶祝生日，想試吓食啲平時少食嘅野，例如西班牙菜，於是我地就揀咗佢屋企附近嘅TAPAS BREW (MIKIKI店)。餐廳有室外同室內可選，其實室外氣氛係唔錯既，但多數都係飲酒同食煙嘅人，而且比較嘈，因為我同閏蜜都唔飲酒，想靜靜地食野傾計，所以坐室內，室內裝修都幾有特色店面設計以浪漫紅色為主調，打造別具特色既典雅溫馨氛圍。我地都不約而同叫佢地既晚市套餐，係2個主菜之中揀1個+1個前菜+1碗餐湯，價錢都只係一百四十幾一個人 ! 簡單介紹一下我地既野啦 : 餐湯係南瓜湯，南瓜煮到溶晒，飲落去有粒粒南瓜蓉！而且味道好濃郁！ 煙三文魚沙律，三文魚都幾足料，而且山菜尚算新鮮，口感頗佳，爽口，配上橄欖油口感更佳，而且作為頭盤令人幾開胃。肉眼牛扒配薯菜，牛扒係煎得恰到好處，肉質鮮嫩多汁，每一啖都帶出濃郁嘅牛肉味道。薯仔呢度焗得鬆軟，令人欲罷不能。兩者組合起黎有意想不到既效果 ! 法式煎焗盲鰽魚柳， 魚柳香煎外皮脆，肉質結實嫩滑，魚油香味香口，好易入口 ! 整體體驗唔錯，用餐價格算合理，下次有機會會再黎食既同飲番2杯啤酒試下。TAPAS BREW
閏蜜同我慶祝生日，想試吓食啲平時少食嘅野，例如西班牙菜，於是我地就揀咗佢屋企附近嘅TAPAS BREW (MIKIKI店)。
餐廳有室外同室內可選，其實室外氣氛係唔錯既，但多數都係飲酒同食煙嘅人，而且比較嘈，因為我同閏蜜都唔飲酒，想靜靜地食野傾計，所以坐室內，室內裝修都幾有特色店面設計以浪漫紅色為主調，打造別具特色既典雅溫馨氛圍。
我地都不約而同叫佢地既晚市套餐，係2個主菜之中揀1個+1個前菜+1碗餐湯，價錢都只係一百四十幾一個人 !
簡單介紹一下我地既野啦 :
餐湯係南瓜湯，南瓜煮到溶晒，飲落去有粒粒南瓜蓉！而且味道好濃郁！
煙三文魚沙律，三文魚都幾足料，而且山菜尚算新鮮，口感頗佳，爽口，配上橄欖油口感更佳，而且作為頭盤令人幾開胃。
肉眼牛扒配薯菜，牛扒係煎得恰到好處，肉質鮮嫩多汁，每一啖都帶出濃郁嘅牛肉味道。薯仔呢度焗得鬆軟，令人欲罷不能。兩者組合起黎有意想不到既效果 !
法式煎焗盲鰽魚柳， 魚柳香煎外皮脆，肉質結實嫩滑，魚油香味香口，好易入口 !
整體體驗唔錯，用餐價格算合理，下次有機會會再黎食既同飲番2杯啤酒試下。
TAPAS BREW (MIKIKI店)
地址 :新蒲崗太子道東638號Mikiki G樓G02A號舖
電話 : 23213138
營業時間 : 11:30-23:00 / 24:00
張貼
