Plato Cafe & Bistro (Mikiki)

之前就已經試過佐敦店，有次行緊mikiki嘅時候發現裝修緊即將開新分店，當時已經好期待，今日終於有機會黎再食。mikiki分店原來都幾深下，行入去都有幾多位，都有空間感，幾適合朋友或家人聚會。露絲瑪莉香草燒羊架燒羊架選擇左5成熟，表面燒得幾焦香，切開見到粉嫩嘅橫切面。加入咗香草食落香而不騷。另外仲有焗薯，比起一般餐廳配嘅薯菜，焗薯加入左煙肉粒，份量更多感覺亦都比較用心。西班牙海鮮飯有好多嘅海鮮，包括蝦帶子青口魷魚，食落都幾新鮮，特別係蝦煎得幾香口，蝦肉都彈牙。個飯就係偏濕嘅質感，似意大利飯嘅感覺，食落飯嘅鮮味都重，所以入口幾香，整體味道都唔錯。麻糬千層酥盒子配雪糕千層酥盒子焗到好香脆，入面有軟糯嘅麻薯，千層酥同雪糕冰火交融，雙重嘅口感同享受。另外仲免費加配左冰果茶同加錢轉左Oreo奶昔。冰果茶揀左少甜，飲落好重茶香，仲有啲椰果，增加咬口。Oreo 奶昔有忌廉同Oreo係面，飲落夠哂邪惡都充滿奶香。