Plato Cafe & Bistro (Mikiki)

新蒲崗的尋幽探秘，導致我一直拒絕Mikiki呢個大型商場。生怕去了也只是找到連鎖的餐廳。但今次找到了久違的新鮮感。講緊一間叫Plato Cafe & Bistro的西餐廳，裝修簡約不花巧，每處也是燈火通明。選擇幾多，而且價錢合理。一大兩小選了個Dinner for two，有意大利飯又有牛扒加上餐湯同甜品餐飲絕對能夠滿載而歸。天婦羅魷魚鬚比較香脆，而且份量好多，絕對唔似前菜份量，直程同主菜份量差不多。北海道帶子松露野菌意大利飯上竟然有半隻龍蝦，而且海鮮數量絕對多過啲飯，食海鮮都食到飽。海鮮味道唔錯，而且多種配搭配上意大利飯簡直一流。炭燒澳洲肉眼牛扒，絕對另眼相看，原本以為食落去又靭又柴，點知呢度嘅medium rare真係做得啱啱好，切落去已經感受得到柔軟，小朋友換牙都食得到好開心。佢兩個食得多過我，真係激氣。另一地方吸晴地方，係芒果沙冰同埋Oreo奶昔，味道啱啱好，不會過甜，而且打得好幼滑。一邊飲一邊解膩非常之好。之後小朋友就話要食心太軟，所以我都將甜品升級咗比佢哋好好享受美妙的甜品。有時候一家三口一齊嘆美食，就係開心快樂的一晚，幸福的一餐。