影片
更多
2009-02-10
19 瀏覽
7-2-2009被食友 FoodieWil 的 signature hot chocolate 相片引到流晒口水, 呢日由「Dessert Monster Club 會長」/「甜魔之首」帶隊, 一行勁多人0黎到幾隔涉的呢度掃餐牌, 未坐低已超興奮! 0黎到當然先一人一杯 signature hot chocolate... 細細的一杯, 面頭有一塊好薄好薄的朱古力 "long" 0係面, 下面的就係好熱的朱古力奶, 放耐少少 / 郁一郁隻杯, 下面朱古力奶的熱力就會令面頭的勁薄 layer 溶起來, 賣相極吸引! 一路睇佢溶一路飲, 仲正 -- 質地好幼滑, 但又會「漿」住喉嚨的, 朱古力味極香濃, 帶點咖啡0個種甘苦, aftertaste 極強烈, 正! 飲完一杯咁勁0既朱古力, 其實都幾飽滯, 但我飲過最好飲的 hot chocolate 真係非佢莫屬, 極力推介!除0左 hot chocolate, 大家亦叫了幾款 chocolate tasting menu share 食... 印象最深係落了陳皮0係中間0個隻 chocolate, 估唔到味道幾夾, 幾得意; 另一估
被食友 FoodieWil 的 signature hot chocolate 相片引到流晒口水, 呢日由「Dessert Monster Club 會長」/「甜魔之首」帶隊, 一行勁多人0黎到幾隔涉的呢度掃餐牌, 未坐低已超興奮!
0黎到當然先一人一杯 signature hot chocolate... 細細的一杯, 面頭有一塊好薄好薄的朱古力 "long" 0係面, 下面的就係好熱的朱古力奶, 放耐少少 / 郁一郁隻杯, 下面朱古力奶的熱力就會令面頭的勁薄 layer 溶起來, 賣相極吸引! 一路睇佢溶一路飲, 仲正 -- 質地好幼滑, 但又會「漿」住喉嚨的, 朱古力味極香濃, 帶點咖啡0個種甘苦, aftertaste 極強烈, 正! 飲完一杯咁勁0既朱古力, 其實都幾飽滯, 但我飲過最好飲的 hot chocolate 真係非佢莫屬, 極力推介!
除0左 hot chocolate, 大家亦叫了幾款 chocolate tasting menu share 食... 印象最深係落了陳皮0係中間0個隻 chocolate, 估唔到味道幾夾, 幾得意; 另一估佢唔到的係 chocolate coated popcorn, 呢個比陳皮朱古力更好食, 值得試試. 較「腳踏實地」的就只試了 macadamia 朱古力磚, chocolate coated 條狀 wafers, 及最大路的片裝朱古力, 都係 70% dark chocolate 最0岩我, 又以 white chocolate 最唔0岩我 另外食友們極力推介「鉛筆」(?) 及 caramel 軟心朱古力, 可惜唔夠搶啦, 下次試試先.
店內放滿大量朱古力造的藝術品, 除0左仲高過我的實心「兵馬俑」之外, 仲見到朱古力高跟鞋, 朱古力 roses, 朱古力唇膏及朱古力 lock and key, 靚成咁邊個會捨得食? 白雪雪環境十分闊落, 開揚好坐, 傾偈一流, 可惜海景而家變了「填海景」啦 -_-" Service 亦十分好, 好舒服的一個地方.
每人夾了 $100, 係好開心的經歷, 下次再0黎飲 hot chocolate! 另外仲見到師傅們0係廚房 display window 內整訂單 macarons, 唔知下次0黎有無得買?
張貼
