卅二公館

營業中

休息中

今日屋企人生日，家姐就揀咗呢一間喺渣打銀行中環嘅mott32, 呢一間餐廳非常出名之前已經見過有好多唔同人介紹，我都同屋企人非常期待，我哋首先預訂咗叉燒，當日去到嘅時候，確認咗定位之後就好快入到去！餐廳嘅座位非常闊落，而且入邊係坐得幾舒服，非常適合家人聚會，而且唔會太嘈，我同屋企人都對安排非常滿意！其中佢哋最欣賞嘅就係佢嘅西班牙黑毛豬，呢一個叉燒既肉質好鬆軟，餐廳喺烹調嘅過程做得好好，成個黑毛豬叉燒肉汁好豐富，烤製叉燒時候嘅醬料亦都好香，咬落去嘅時候亦都好有口感，厚切，好perfect!另外嗰個蟹子炒飯都好好，好乾身，屋企人好鍾意食，而且口感好多元化，成個炒飯非常高級！