億饍 (已結業)

香芒大蝦蟹肉炒飯足料夠份量既一個炒飯， 足以喂飽 4 個人！ 飯炒得夠乾身， 飯粒分明。 呢到既炒技唔錯，有水準。 咖哩牛筋腩煲咖哩好有港色風味， 冇咁多香料，而比較傑身， 唔算糊口。 撈飯一流， 粒粒飯都有咖哩飽實。好耐冇食過唔痴牙既牛腩牛筋。烤牛肉湯河烤牛肉既選材唔差，唔柴皮，反而仲爽口。厚薄度岩岩好。 醬汁味道夠濃， 襯埋湯河，一濃一淡夠過癮。 椒鹽軟殼蟹有大量椒鹽同炸蒜， 超棒！軟殼蟹較細隻， 炸得通透， 亦好嫩！ 軟殼蟹有唔少蟹膏， 炸皮唔太厚， 食落酥脆甘香。