花見山下日式料理

營業中

休息中

首先，這間餐廳嘅環境真係值得讚，裝修得幾靚，令人感覺好舒服。不過，我點嘅定食餐真係令我好失望。雖然玉子燒仲可以，但其他嘅菜品，比如飯，湯同埋蒸蛋，真係難以接受。首先，玉子豬肉係凍嘅，飯都一樣冰冷，根本冇辦法享受食物嘅溫度。至於豬肉嘅味道，感覺就好似隨便烚過嘅味道，份量又好少，完全唔符合我嘅期待。蒸蛋嘅口感又好普通，冇任何驚喜。另外，魚湯仲有重重嘅腥味，真係難以下咽，價錢又唔便宜，實在令我覺得物不所值。更糟糕嘅係，每道菜品仲要加收10%嘅服務費，呢個我覺得真係唔合理。而且，叫人斟茶等咗好耐，服務都令人唔滿意。總括來講，今次嘅用餐體驗真係唔值得推介，令我好失望，仲係朋友生日特登佢過嚟。希望餐廳可以改善呢啲問題！