影片
更多
2024-08-02
656 瀏覽
。O小姐。Not just a coffee but more than that 。日常。 Not just coffee? 咁仲可以係咩呢？？好多人都話西環係好多文青聚腳地嘅好地方，我身為其中一員（汗顏），咁梗係要去吸收吓文化氣息啦。今次嚟到西營盤，一出嚟已經見到好多壁畫，一睇就知道係屬於我嘅地方啦🫢行前多幾步，就見到呢一間樓底咁高，又裝修得咁清新嘅Cafe，決定就開門入嚟啦😃 佢就係不籽是咖啡啦。佢英文名都幾特別咁究竟仲有啲咩呢？？裝修簡約，通風及照明都好好，重點係樓底高，就算好多人嘅話，傾偈都唔驚嘈得滯，大家都好明白，如果想搵個地方吹水嘅話，就好驚周圍會好嘈，所以呢一個可以加分。落單係要去到收銀嗰邊落嘅，我哋就叫咗一個牛肉芝士漢堡、柚子雞翼。飲品方面就叫咗桂花latte &椰爺的咖啡。 由於我哋預計會傾好耐，就襯仲係tea time叫埋熱情果茶同埋芝士蛋糕留返喺最尾先食。先講個牛肉漢堡先，個牛肉係醃過嘅，佢就味好特別，唔似我哋平時食嘅手蛋漢堡，我覺得可以試一試，因為喺出面食唔到呢個味，同埋佢都幾大份，我哋兩個人食極都仲未食完…柚子雞翼都多喎，我仲以為得個四隻，點不知原來都唔止，
Not just coffee? 咁仲可以係咩呢？？
好多人都話西環係好多文青聚腳地嘅好地方，我身為其中一員（汗顏），咁梗係要去吸收吓文化氣息啦。
今次嚟到西營盤，一出嚟已經見到好多壁畫，一睇就知道係屬於我嘅地方啦🫢
行前多幾步，就見到呢一間樓底咁高，又裝修得咁清新嘅Cafe，決定就開門入嚟啦😃 佢就係不籽是咖啡啦。佢英文名都幾特別咁究竟仲有啲咩呢？？
裝修簡約，通風及照明都好好，重點係樓底高，就算好多人嘅話，傾偈都唔驚嘈得滯，大家都好明白，如果想搵個地方吹水嘅話，就好驚周圍會好嘈，所以呢一個可以加分。
落單係要去到收銀嗰邊落嘅，我哋就叫咗一個牛肉芝士漢堡、柚子雞翼。飲品方面就叫咗桂花latte &椰爺的咖啡。 由於我哋預計會傾好耐，就襯仲係tea time叫埋熱情果茶同埋芝士蛋糕留返喺最尾先食。
先講個牛肉漢堡先，個牛肉係醃過嘅，佢就味好特別，唔似我哋平時食嘅手蛋漢堡，我覺得可以試一試，因為喺出面食唔到呢個味，同埋佢都幾大份，我哋兩個人食極都仲未食完…
牛肉漢堡
64 瀏覽
0 讚好
0 留言
柚子雞翼都多喎，我仲以為得個四隻，點不知原來都唔止，同埋佢個醬都夠嘅，所以食極都唔會話太乾身..
柚子雞翼
52 瀏覽
0 讚好
0 留言
飲品方面，我朋友就叫咗杯桂花latte，因為佢想清新一下而我呢就叫咗杯Coconut latte（都幾香，幾有椰子味），係充滿椰香嘅，夏天熱辣辣，飲杯凍飲，簡直係銷魂啊～
桂花latte
198 瀏覽
0 讚好
0 留言
我哋一路傾，口水多到不知時日過🤣食埋叫個芝士蛋糕，芝士蛋糕好食呀，份量好足夠唔係細細舊，佢個面仲有啲花瓣，好香～甜品要叫一個芝士蛋糕，呢個值得點啊！配埋個熱情果茶，悠閒嘅一個下午又完結啦😆
芝士蛋糕、椰爺的咖啡、熱情果茶
483 瀏覽
0 讚好
0 留言
叫晒成枱，一次過一路食一路飲一路傾偈
19 瀏覽
0 讚好
0 留言
張貼
