影片
更多
2009-07-11
5 瀏覽
年幾兩年前當Shake'em Buns只有灣仔日月星分店的時候，已經好想去試一試。如今漢堡熱潮牽起了，Shake'em Buns已有三家分店（灣仔的分店更由日月星搬到船街），先有機會去試試。雖然係中環lunch time時間，但係去到既時候只係半滿（反而係食食下的時候有一行七八人突然來到，咁就爆左），於是便揀左個bar枱位坐。睇食評的時候唔見有人提過有set的，好似所有人都係散叫...但係叫野食的時候收銀員就同我講有set，加大概十幾蚊就可以有埋薯條同一罐汽水，所以叫了一個Cushin' for the Pushin' set，$72，比起食友講的價錢吸引更多呢（當然，如果要啲貴啲既burger或者要飲milkshake的話就再貴少少）。等野食的時候當然係要研究下周圍的擺設，因為之前睇相都知有好多好得意的告示牌。畀我見到一個之前未睇過相，關於卡路里的標示，很有道理呢，看了之後都好胃口啲，哈哈。另外發現到一樣有趣事，就係每逢收銀員收左錢後，就會將order寫係紙上，然後就會用個吊左係一條線上既夾夾住張紙，再fing個夾去廚房個邊。廚房拎左張紙後又會fing番個夾去cashier到，所以大
雖然係中環lunch time時間，但係去到既時候只係半滿（反而係食食下的時候有一行七八人突然來到，咁就爆左），於是便揀左個bar枱位坐。睇食評的時候唔見有人提過有set的，好似所有人都係散叫...但係叫野食的時候收銀員就同我講有set，加大概十幾蚊就可以有埋薯條同一罐汽水，所以叫了一個Cushin' for the Pushin' set，$72，比起食友講的價錢吸引更多呢（當然，如果要啲貴啲既burger或者要飲milkshake的話就再貴少少）。
等野食的時候當然係要研究下周圍的擺設，因為之前睇相都知有好多好得意的告示牌。畀我見到一個之前未睇過相，關於卡路里的標示，很有道理呢，看了之後都好胃口啲，哈哈。另外發現到一樣有趣事，就係每逢收銀員收左錢後，就會將order寫係紙上，然後就會用個吊左係一條線上既夾夾住張紙，再fing個夾去廚房個邊。廚房拎左張紙後又會fing番個夾去cashier到，所以大家都基本上都唔駛郁，比什麼電腦程式好似還要方便。再之後又研究一下啲burger名，好多都咸咸濕濕，但又幾好笑。
等了十分鐘有得食了，一個籃咁上的，而洋蔥同酸瓜（其實佢本身已有原片的洋蔥）等都係自己任加，但切到一粒粒好難夾...。漢堡好大，好吸引，忍唔住要即刻咬一啖...一陣香濃的牛肉味立刻湧了出來﹗牛肉一粒粒的唔會死實實，patty入面仲有啲洋蔥，所以更香更好質感，只係有幾粒筋位的牛肉粒唔係太咬得開，但其實都無傷大雅。Patty有汁的，小弟唔覺得要juicy到啲汁湧晒出來的地步先為之好，所以已覺得足夠。最緊要係充滿住牛肉味，很高水準的漢堡﹗配菜都幾新鮮的，唯獨係蕃茄畀左啲頭頭尾尾的部份我的關係，不太juicy亦太實了。麵包較硬身但不代表唔鬆，但係小弟個人覺得面頭太多芝麻了。整個包除左個patty之外其實都係好簡單的材料，但係就係簡簡單單而且夠新鮮，做出了一個很出色的漢堡﹗
漢堡的最好朋友薯條係粗切的，唔係炸得很脆，薯味都有啲但唔係好重。老實講，小弟唔係特別喜愛薯仔，所以食薯條都係為左脆脆的感覺，唔係為薯味（所以較愛幼薯條），依個薯條未合我心意。一大籃的食物，大食的我食完後都覺得好飽了...但係見到好多人見了我最愛的洋蔥圈，真係好想走埋去問「可唔可以畀一舊我食呀？」哈哈，下次有機會食啦。
服務員全都係講英文的，全部都好親切。$72食個包抵唔抵食可能好見人見智，但只係比Triple O's貴少少，食咁既質素既野，小弟就覺得好抵死，當係食塊靚牛肉都好。另外，坐我隔離係一個日本遊客，佢係睇本guidebook而來的...早前聽講Shake'em Buns係上海都開左分店...原來連日本都有啲名氣的，好犀利喔﹗
張貼
