影片
更多
2013-06-25
1578 瀏覽
小弟上次嚐到「嵯峨野」o既美食時都差不多係兩年前o既事，當時係喺日航酒店其中一間宴會廳度參加生日酒，腦海仍然清楚記得初次欣賞餐廳以國際食材製出各款特色料理，正當味蕾環遊世界o既同時，小肥仲學曉不少日文，所以印象尤其深刻 ！今次姨丈揀選喺「嵯峨野」請客，小肥真係十分期待！一如所有日本料理，「嵯峨野」門面，室內裝修及服務生o既衣著都好有日本風味。為方便傾偈同增添私人空間，當晚姨丈安排左一間大房，光猛潔亮舒適，最重要係唔需要坐tatami（tatami乃肥肥家族之大忌也 ）。當晚飯局人數眾多，散叫食物會比較複雜，所以姨丈一早同經理商量好特定餐單，為求每位客人都可以品嚐到「嵯峨野」多款菜式。經理當晚更親自落場打點，細心地打聽各人對食物o既不同喜好，如素食者，不吃牛者，對蜜瓜敏感等等，繼而作出最後之餐單調整 。第一次正式踏入餐廳入面，受到如此友善熱誠o既歡迎及禮待，頓覺自己成為一位貴賓，真係超級感動 ！為晚餐揭起序幕o既係餐前酒：CHEERS ！食前酒（餐前酒）之桃酒：凍飲桃酒，酒味唔濃，清新香甜易入口，所以專登影左個樽，希望可以喺其中一間日本超市度買返屋企飲 。 先付（頭盤）之八
一如所有日本料理，「嵯峨野」門面，室內裝修及服務生o既衣著都好有日本風味。為方便傾偈同增添私人空間，當晚姨丈安排左一間大房，光猛潔亮舒適，最重要係唔需要坐tatami（tatami乃肥肥家族之大忌也 ）。
當晚飯局人數眾多，散叫食物會比較複雜，所以姨丈一早同經理商量好特定餐單，為求每位客人都可以品嚐到「嵯峨野」多款菜式。經理當晚更親自落場打點，細心地打聽各人對食物o既不同喜好，如素食者，不吃牛者，對蜜瓜敏感等等，繼而作出最後之餐單調整 。第一次正式踏入餐廳入面，受到如此友善熱誠o既歡迎及禮待，頓覺自己成為一位貴賓，真係超級感動 ！
為晚餐揭起序幕o既係餐前酒：CHEERS ！食前酒（餐前酒）之桃酒：凍飲桃酒，酒味唔濃，清新香甜易入口，所以專登影左個樽，希望可以喺其中一間日本超市度買返屋企飲 。
先付（頭盤）之八爪魚蕎頭田舍煮 + 鯛魚壽司：八爪魚蕎頭田舍煮好潮地以杯上，兩者都同樣清脆爽口。
用塊大葉包住o既鯛魚壽司就有陣優香o既柚子同檸檬味，食落非常清新醒胃 ！
お造り（刺身）之拖羅，白蝦，鰺魚：白蝦爽甜軟滑，鰺魚魚油足，拖羅更係「只溶喺口」，「嵯峨野」o既魚生外表吸引，而且新鮮美味可口，簡直係無得彈 ！
溫物（熱盤）之煮茄子：小肥好怕食茄子，因為成日都覺得咬落成口油。眼見碗中o既茄子以汁煮，而且面層又冇油，所以就比左個機會道餸。意外地，茄子腍中帶爽，食落又冇渣，味道濃得黎又唔會濁，感覺好健康！
燒肴（燒盤）之和牛照燒：和牛香軟鬆化肉汁夠，肥瘦均勻，同帶甜o既醬汁好夾，溶喺口o既同時亦造到齒頰留香 ，能夠品嚐到此道美食，肥肥家族真係好有口福！
合肴（酢物）之醋煮貝類 + 雜菜：食完油份較多o既和牛，最啱就係食番啲酸物化解一下，此時安排依道醋煮帶子雜菜真係非常恰當！帶子幼嫩，雜菜爽脆，酸酸甜甜，胃口頓時大增 ！
食事（主菜）之天婦羅稻庭烏冬：日本料理同中菜一樣，上甜品前都會有道單尾。當晚o既稻庭烏冬幼嫩滑溜彈牙，配上香脆爽口o既蝦天婦羅，超正！
水物（甜品）之溫室蜜瓜：日本生果出名靚，此款溫室蜜瓜亦不例外，清甜爽滑集於一身，果然係有信心o既保證，為晚宴劃上完美o既句號！
「嵯峨野」地方舒適，服務生誠懇細心體貼，食材上乘，菜式美觀美味，大家都食得開心，飲得高興 ！XO仔真係好少過海，所以能夠再次黎到「嵯峨野」免費品嚐其有心有力o既美食，一包眼福同口福，自覺非常幸運，好感激姨丈請客都預埋小肥 ！
張貼
