郎田日本料理 (已結業)

有朋友生日，提議試下呢度既放題。環境方面，餐廳內裡唔算大，但係都算乾淨。食物方面，有魚生、壽司、串燒、炸物等任食(有火炙三文魚同火炙和牛壽司)，味道都ok。有個牛肉鍋都幾好食，牛肉又多。任飲汽水、雀檸等。服務方面，整體黎講唔錯，無咩漏單。臨走前再叫個蟹子沙律，都特登整俾我。價錢方面，唔洗coupon，食兩小時既價錢係$153(已加一)，用信用卡再平$10。以百幾蚊既價錢，有咁多唔同既野食都算唔錯。但係，無甜品同雪糕食(可能太遲去!?)