116
66
36
餐廳: 咖啡園
優惠: 於此國泰夥伴餐廳用餐賺里 !
國泰會員於夥伴餐廳消費可賺高達HKD4 = 2里數。受有關條款約束。
條款及細則:
  • 國泰會員每次可賺取「亞洲萬里通」里數之消費額上限為港幣10,000元。
  • 會員於國泰夥伴餐廳作合資格消費，每港幣4元可賺取1里數。而渣打國泰Mastercard®客戶憑卡消費可享每港幣4元賺取2里數，包括合作夥伴餐廳合資格消費之餐膳里賞（每港幣4元賺取1里數）及基本餐飲類別之合資格簽賬獎賞（每港幣4元賺取1里數）。
  • 賺取之「亞洲萬里通」里數將根據餐飲與膳食消費，包括服務費、稅項及小費的總和而計算。
  • 惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。
  • 賺取的「亞洲萬里通」里數將於認可餐膳消費交易後10個工作天內存入會員的賬戶。
須受其他國泰條款及細則約束。
(非會員)
0
0
ok 喎
2006-08-15 17 瀏覽
星期日晚和老婆兒甥三個大人去食, 睇完食評不懷太大希望. 6點鬆d入到去得十枱八抬有人,我同老婆仲大把時間出去食物枱映吓相. 可能我早booking,又打電話去問呢問, 所以佢比個位我唔差,就係出露臺門口右面高幾級果忽. 冇乜人出入可以靜d. 果度真係幾窄,又多枱, 見到出面d人坐得咁逼真係有d櫈佢地辛苦. 講返食嘢, d嘢都唔係差. 龍蝦ok, 有dd龍蝦味.蟹腳ok, 唔似都會海逸咁得d鹽水味.魚生出得密又任攞,幾新鮮. 平時唔食蔬菜沙律嘅我都食咗一大碟. 蠔呢, 記憶中冇食過蠔比到我咁幸福嘅感覺.又大又肥, 一入口巳經講唔到嘢,真係會比成口蠔汁濁死. 熱盤不太多, 但又數唔出少咗d乜. 生蠔太好吃了,令我放棄了芝士焗蠔. 薑蔥炒蟹, 不太入味, 但勝在d蟹好大隻肉又多.肉眼扒ok. 甜品都唔係太多,但都夠食,味道ok. 芝士得三數款,但又咁啱其中兩款係老婆食過又喜愛的,佢就開心囉. 侍應生不多, 但勝在好禮貌,d碟收得快,d水添得快.10分. 讚完,梗有嘢彈. 最差係出面嘅BBQ燒蝦,冇蝦味得炭屎味又霉霉地咁,我咬落口即刻吐咗.但佢d燒羊扒又ok,真係吹脹.第二真係人太多,7點入
更多
星期日晚和老婆兒甥三個大人去食, 睇完食評不懷太大希望. 6點鬆d入到去得十枱八抬有人,我同老婆仲大把時間出去食物枱映吓相. 可能我早booking,又打電話去問呢問, 所以佢比個位我唔差,就係出露臺門口右面高幾級果忽. 冇乜人出入可以靜d. 果度真係幾窄,又多枱, 見到出面d人坐得咁逼真係有d櫈佢地辛苦. 講返食嘢, d嘢都唔係差. 龍蝦ok, 有dd龍蝦味.蟹腳ok, 唔似都會海逸咁得d鹽水味.魚生出得密又任攞,幾新鮮. 平時唔食蔬菜沙律嘅我都食咗一大碟. 蠔呢, 記憶中冇食過蠔比到我咁幸福嘅感覺.又大又肥, 一入口巳經講唔到嘢,真係會比成口蠔汁濁死. 熱盤不太多, 但又數唔出少咗d乜. 生蠔太好吃了,令我放棄了芝士焗蠔. 薑蔥炒蟹, 不太入味, 但勝在d蟹好大隻肉又多.肉眼扒ok. 甜品都唔係太多,但都夠食,味道ok. 芝士得三數款,但又咁啱其中兩款係老婆食過又喜愛的,佢就開心囉. 侍應生不多, 但勝在好禮貌,d碟收得快,d水添得快.10分.

讚完,梗有嘢彈. 最差係出面嘅BBQ燒蝦,冇蝦味得炭屎味又霉霉地咁,我咬落口即刻吐咗.但佢d燒羊扒又ok,真係吹脹.第二真係人太多,7點入座果輪,食物枱條走廊仔真係逼過尖沙咀. 人一多, d人攞嘢食個樣就現哂形. 成家出齊攞龍蝦,老豆打衝鋒殺入群攞咗3件,交比後面老婆,自己再殺過....如是者持續撕殺大慨半粒鐘,我地半飽等緊消化,坐係度睇人生百態真係幾得意. 人潮8點幾開始退却後,空枱開始出現. 因為我地坐落地窗門隔離,環境不差. 望去金鐘一帶寫字樓及酒店的夜燈,感覺幾舒服. 如果係秋天,唔怕蚊唔怕有人食煙, 出面泳池上的bar檯食飯仲正.

是次係買coupon食,每人$268.33, 都算抵咯. 6點坐低,食吓傾吓,10點先走, 咁嘅價錢仲想點?! (正價$380 再加一, 咁就咪預我!)
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
人均消費
$268