睡飽吃吃

營業中

休息中

突然間好火紅嘅小店，西營盤嘅睡飽吃吃，係由人氣online cake shop 流浪甜點工作室@wandering_store 開。睇返佢ig，佢哋係用日本麵粉/日本雞蛋/日本糖。睡飽吃吃每日提供嘅蛋糕🍰唔同，當日係平日，我哋落單果陣，大概3/4點，得返提子rum酒巴斯克($60)，仲要係最後一件lol。想試佢啲蛋糕或者想試多啲款，就要早啲啦。講返件提子rum酒巴斯克，好軟滑好creamy，而且酒味超級出，每食一啖就好似飲緊一啖酒咁。阿薯覺得酒味太濃太強烈🤡，不過配埋佢杯latte($40)，又啱啱好喎，完全中和咗陣酒味，變得易入口咗好多。其實本身杯latte偏向苦苦地果種，有啲難入口，但一啖latte同一啖rum酒cake，就令兩者都順口好多。三色芋圓配豆漿豆花($48)有啲普通，建議叫cake。環境的確好有心思，食物擺盤唔錯，都同大部分cake shop一樣，價錢好進取。