韓兄弟燒烤

營業中

休息中

崇潔街之中，韓兄弟係一向少去嘅餐廳，因為價錢頗貴，五十幾蚊食一個即食麵自問食唔起，唔係因為有美女請食飯埋單都唔會入去幫襯.再加上自己唔多識欣賞韓國菜同唔多食辣，望勻成個午餐餐牌都唔多啱心水，所以極極極少幫襯韓兄弟.入到去，四周環境比較暗，感覺上似酒吧卡啦ok多過似餐廳.點咗一個牛肉湯麵同凍湯蕎麥牛肉冷麵.我只係食咗個牛肉湯麵，湯底味唔似什麼特別淆制嘅湯底，似普通味精湯底多D，薄身牛肉份量偏少，慶幸味道唔錯，唔辣，偏甜，肉質唔乾身唔韌，攞返唔少分數.估計韓兄弟主打係晚飯韓燒，但價錢唔平走高檔路線，我哩D低等人都係放題韓燒任食任切啱我多D。