鮨美澄 (已結業)

元朗區真係好多Omakase，今次食左鮨美澄嘅午間Omakase,佢有兩個餐價錢分別係3百同6百，貴嘅會多左啲刺身熱食，平嘅只有壽司。今次我就揀左個貴嘅試吓。餐廳一眼睇哂只有八個位，早去到可以坐正師傳面前。前菜好普通就省略了，刺身呢有三款，第一款係油甘魚腩加蔥，第二款北海道醬積帆立貝夾紫紙，兩款都好新鮮👍🏼壽司🍣有八款，其中六款比較值得提下，中拖，大拖都好香加左醬積處理令腥味消減左。兩款池魚油脂味好淡唔肥個人就麻麻地。有一款鯛魚都係淡口為主。最後加左加飯右口魚手劵燒到好香好油。贊🤩依個茶碗蒸表面平平無奇，食落個魚湯底濃厚到不得了，十個贊。仲有冇上鏡嘅鮑魚都係好軟身好入味。 一個午餐六百蚊加兩個小時嘅日式體驗絕對係值得嘅👍🏼