壽司豐 (已結業)

叫咗Omakase「豐 • 板長おまかせ」套餐，有前菜、刺身、熟食、甜品，食材都好新鮮，餐廳環境坐得好舒服。套餐有 :前菜係「茶碗蒸」同「蟹肉冬瓜」， 茶碗蒸好香蛋味同菇味，冬瓜好冧身，加咗蟹肉，配合得好好。「 紫蘇花配北海道生蠔」，有手掌咁大粒，好juice，啖啖海水味，廚師建議連紫蘇花一起吃，好獨特嘅口感。刺身有「間白魚刺身」，好鮮美爽口。有「白象拔蚌刺身」，配合日整獨有嘅海葡萄，口感層次一絕！廚師仲備有蒙古岩鹽，可以帶出象拔蚌嘅鮮甜味。「中拖羅刺身」脂肪比例足，放入口有溶化嘅感覺，「赤貝刺身」好甜好爽滑。壽司有「北海道帆立貝」，好大粒，鮮甜可口。「 鮫鰈魚」上面放咗魚肝，咬落去個魚油滲透落片魚到。「金目鯛魚」輕燒過魚邊位，帶出魚香味。「富山縣白蝦」份量好多，啖啖蝦肉，好滑，質感好好。「海膽壽司」用一大片紫菜包住，海膽好新鮮。「鱈魚西京燒」，上台已經好香魚香味，肉質好滑好多汁。「海鮮麵豉湯」有淡淡嘅海鮮味，唔會好鹹。甜味可以選擇咖啡或蛋糕，我選了「黑糖蛋糕」，細細件，唔會好甜。