影片
更多
2018-08-09
261 瀏覽
這裡嘅質素絕對係可以比美在日本食嘅高級日本料理嘅感覺，而且每道菜都係師傅即時在食客面前處理，感覺就好似身在日本嘅感覺！餐廳地方不算太大，食客嘅位置都係圍繞住張吧枱座，就係呢個設置所以師傅同食客就係咁有互動，食客可以欣賞到師傅嘅廚藝之餘，師傅亦可按客人嘅速度調節下一道菜嘅時間，以最新鮮為目標！入內座下後先有店員奉上熱茶及消毒了嘅熱毛巾，飲啖茶濕潤一下個口同抹一抺手，為今晚整理一下！而今晚就係食Omakase，這裡嘅特色之一，一切由師傅用最新鮮嘅食材為客人準備，所以就算你來過都未必會食回同一樣，每腐都會有驚喜！而個餐就包括前菜，季節魚刺身同貝類刺身六點，壽司五貫，本日之一品和食，雲丹盛，手卷，湯及果物。先來前菜茶碗蒸，裡面有薄薄金箔，蛋香嫩滑，而且用料十足，真係令人食慾大增。 而同時間就見到師傅準備下一道菜，而在吧枱旁邊上放了爽口蘿蔔漬物，同淮山刺激一下味蕾！而緊接住嘅就係先來嘅六點刺身，師傅手勢純熟地將新鮮嘅金線鯛刺身送上，肉質彈牙，加埋自家製嘅醬汁入口感覺更加清新，在口中慢慢咬時個魚味更出！而另一件就係利用了由九洲直送嘅太刀魚做成嘅天婦羅，再加上北海道嘅馬糞海膽而做成嘅刺身配搭，太刀魚
餐廳地方不算太大，食客嘅位置都係圍繞住張吧枱座，就係呢個設置所以師傅同食客就係咁有互動，食客可以欣賞到師傅嘅廚藝之餘，師傅亦可按客人嘅速度調節下一道菜嘅時間，以最新鮮為目標！
入內座下後先有店員奉上熱茶及消毒了嘅熱毛巾，飲啖茶濕潤一下個口同抹一抺手，為今晚整理一下！
而今晚就係食Omakase，這裡嘅特色之一，一切由師傅用最新鮮嘅食材為客人準備，所以就算你來過都未必會食回同一樣，每腐都會有驚喜！
而個餐就包括前菜，季節魚刺身同貝類刺身六點，壽司五貫，本日之一品和食，雲丹盛，手卷，湯及果物。
先來前菜茶碗蒸，裡面有薄薄金箔，蛋香嫩滑，而且用料十足，真係令人食慾大增。
而同時間就見到師傅準備下一道菜，而在吧枱旁邊上放了爽口蘿蔔漬物，同淮山刺激一下味蕾！
而緊接住嘅就係先來嘅六點刺身，師傅手勢純熟地將新鮮嘅金線鯛刺身送上，肉質彈牙，加埋自家製嘅醬汁入口感覺更加清新，在口中慢慢咬時個魚味更出！而另一件就係利用了由九洲直送嘅太刀魚做成嘅天婦羅，再加上北海道嘅馬糞海膽而做成嘅刺身配搭，太刀魚夠晒鮮味重要係啖啖肉入口食得分外滿足，加埋以天婦羅嘅食法取代刺身真係再進一步帶出魚肉鮮香，而為了增加味蕾嘅感覺，上面嘅北海道海膽質感軟滑，味道鮮甜濃郁，一冷一暖嘅刺激，加埋在口中混合一起時真係分外美味！
當差不多完成時，師傅已經開始準備下一份刺身，
有池魚配上芽蔥，師傅用上了呢個配搭係因為本身魚味較濃，所以配上芽蔥中和了本身魚嘅腥味，而魚身肉質就夠晒嫩滑！
平政魚就先燒一燒，未入口就已經嗅到好香，入口時除了味香外，肉質亦好有彈性，魚味濃郁！
再出現就係利用北海道毛蟹，拆肉再配埋佢嘅蟹膏 刺身，賣相已經好精緻，食時再配埋個自家製造嘅醋食，蟹肉更加鮮味，而蟹膏亦好鮮味濃郁，但食完不會覺得油膩！
跟住就係廣田真蠔，新鮮大隻夠晒飽滿，配上高湯浸住，入口時外實內軟夠晒蠔味而且重好creamy!
再來鰹魚，用了煙燻嘅方法處理，本身鰹魚嘅魚味較重，配上日本洋蔥入口，味道更清新而肉質都爽口！
刺身最後就係大拖羅，用脆口嘅紫菜卷住件大拖羅入口，更加增加口感，而入口即溶充滿油份，而大拖羅與紫菜之間有片紫蘇葉中和食後嘅油膩感覺！
刺身完了後就先上本日之一品，用了彈牙爽口嘅龍蝦肉，天婦羅嘅蘆筍、芋頭，而個汁就用龍蝦餚出來，所以味道夠晒味道！
之後就先上個沖繩海草，味道軟滑軟熟，帶點酸甜夠晒醒胃！
而吃壽司時，師傅一做完就會即時交到客人手中入口，第一件就係用白蝦做成，用了少少海鹽在白蝦上，加上了橘子汁入口，口感帶黏口，而加上飯身用了赤醋飯所以會帶點酸甜嘅感覺！
第二件壽司就係用了淡路島嘅活赤貝，入口爽口甜身好有口感！
第三件就係赤鯥魚，入口肉質軟滑多汁甘甜，而師傅將之網燒後嘅魚脂更香！
第四件島根懸中吞羅，味道則較清甜，入口依然都有只溶係口嘅幸福感覺！
第五件係用大分縣直送嘅池魚，每條池魚都係利用垂釣嘅方法釣上來，令魚肉咸少淤血出現，入口魚味濃郁鮮味，入口即化！
第六件醬油漬三文魚籽，粒粒魚籽晶凝通透，入口時夠晒口感，在口中爆開時就夠晒鮮味！
完了壽司後，就係呢到最出名嘅雲丹盛出現，見到師傅取出嘅海膽感覺已經好開心，因為用上北海道赤海膽，將赤海膽鋪滿了整個碗，差不多用上了大半板海膽先可以做到呢個效果，而最後上面再加多隻甜蝦，嘩真係望主都已經覺得超正！當然入口時啖啖海膽嘅感覺，真係超正！海膽味道鮮甜，口感幼滑，而隻甜蝦亦夠鮮甜美味！呢個真係要慢慢品嘗！與飯一齊食又係另一種感覺！
當完美品嘗完雲丹盛後接住就係件手卷，師傅即時將火炙後嘅右口魚(鮫鰈)放在飯上，再卷成手卷交到手上，入口時嘅口感較晒肥美！
跟住上埋個魚湯，味道鮮甜，帶點魚香！
最後嘅果物就係靜岡縣嘅密瓜，並加上加威士忌，蜜瓜肉多汁香甜，還有陣陳威士忌香氣，加埋山形縣嘅桃，桃肉都係鮮甜多汁！
完全滿意，這裡絕對係可以享受到最優質嘅食材，同埋欣賞到師傅嘅精湛廚藝，完全係多重享受！
張貼
