Bove (已結業)

綠茶麻糬雞蛋仔($28)Matcha Mochi Eggettes一見到麻糬已經雙眼發光🤩，所以唔洗諗就揀左呢個！即叫即整，熱到燙手🖐🏻♨️。每粒雞蛋仔中間都有麻糬粒，細細粒，但口感幾煙韌，不過就唔好期望好拉絲啦🤤。雞蛋仔有滿滿雞蛋仔肉，所以食晒一底好飽肚。可惜雞蛋仔就食唔到有綠茶味🍵，如果係為左綠茶而嚟就會有d失望了。原味梳乎厘班戟（$28）+$10金莎朱古力餡還原基本步，試試個原味。由於即整，的確需要d時間🕑。一拎上手就見到個厚度好吸引🤤，仲要震騰騰，班戟帶點蛋味🥚，中間嘅金莎朱古力餡，真係將金莎打碎做流心餡，味道甜得嚟幾好食🍫。雖然要加$20，不過加咗味道的確豐富d😋