FireBird (東薈城名店倉)

營業中

休息中

來到東涌shopping，梗係要食餐好，銅鑼灣都食過佢分店嘅串燒，今次見到呢度有薩摩牛同金槍魚(吞拿魚)。東涌呢度地方大好多，大部分都係靚靚卡位，有些間隔仲上到頂，私隱度好高，和式設計，燈光柔和，感覺好舒服。本金槍魚三色刺身~連皮軟骨上，大大刀切粒，魚脂含量極高，入口即溶，口感勁正。FireBird名物重量級火焰原隻雞腿~鐵板大大隻燒雞腿淋上酒點火，熊熊烈火勁惹火，店員細心提醒大家要小心保持距離呢！也會為你細心剪開雞肉，鐵板能保溫，可以慢慢食。九州產炙燒薩摩黑毛和牛(西冷)~今日做特別優惠，好抵食，店員又出場，幫忙烤至五成熟，開火直燒，脂肪量咁高，果然係FireBird，好惹火，跟手剪開，熱辣辣香噴噴，沾少少海鹽或炸蒜粒，牛肉味道更突出，juicy！明太子半玉子燒~士多啤梨益力多cocktail~特色靚靚飲品都喺呢度嘅打卡位，即叫即做即刻打起嘅士多啤梨沙冰，正啊！建議大家平日嚟，週末假期咁多人shopping 等位都有排。