達人包車 (已結業)

韓風吹極都仲咁hit，朋友介紹達人包車，話成間鋪都由oppa主理，果然無令我地失望，所有waiter都係韓仔，只係d oppa有少少cool！有得食又有得睇，果然無推介錯。芝士排骨，有成8件排骨，醃得好入味，有D辣，又夠淋身。另外仲有D飯團、車厘子、腸仔同年糕，撈埋芝士食，超級邪惡，又有韓式風味。芝士雞蛋卷，超級大份量，有芝士及洋蔥味道，配上茄醬同沙律醬，令原本普普通通既蛋卷，變成重口味小食，由於我一向都係嗜蛋人士，差唔多一半蛋卷都係我食哂。超大串燒BBQ，真係好大串，成一米咁高，送上台時兩位朋友都不禁企起身觀摩，佢地都望到呆左，豬肉、雞肉、菠蘿、香腸⋯乜都有齊哂，oppa會走黎幫我地逐件拎出黎燒，連周圍D食客都不斷望過黎我地張台。