影片
更多
2016-06-05
5208 瀏覽
趁母親節前夕 帶媽媽食佢最鐘意既韓菜，今次就食近年由韓國帶來熱潮既芝士辣炒雞。雖未係韓國食呢道菜，但由韓國帶到香港，都應有水準。位於厚福街H8 人氣頂盛地點既'大大鑊'，個店名夠gimmick, 聯想到菜式應跟鑊有關。我地訂了抬7點到，都有人在等。晚飯時間最好要訂抬喔。一到埗已見到每抬有個大大既鑊(鐵板）係抬正中.抬上有MEMO紙, 供食客寫上什麼願望，仲有意見等。貼滿於窗邊，甚有韓式餐廳特色。我們三人點了這裡的招牌菜：芝士風味雞前菜：沙律，泡菜，白蘿蔔，青瓜等，普普通通。 附送紅白蘿蔔湯，味道清清地, 無味精, 先令味蕾清新下。主角來了： 芝士風味雞（二人份）$320材料有醬汁腌好了的雞件，韓式年糕，金菇，椰菜，紅蘿蔔片， 青蔥, 幾片芝士。Oppa 用車仔送來食材，並作為成晚既御廚，全程由oppa 負責落鑊，炒雞，落芝士，炒飯。睇落去仲有好精彩既惹火表演食飯仲有廚藝表演睇，一食兩得。（係客人面前既大鑊即炒，油煙淺油在所難免，這裡好細心預先為客人提供圍裙。淺油可避開，幸好油煙未算好大，至少比韓燒好多，食完都無咁大陣味）將所有食材落鑊後，雞件放中間，菜類圍在鑊邊，之後oppa一手落
雖未係韓國食呢道菜，但由韓國帶到香港，都應有水準。
位於厚福街H8 人氣頂盛地點既'大大鑊'，個店名夠gimmick, 聯想到菜式應跟鑊有關。
我地訂了抬7點到，都有人在等。晚飯時間最好要訂抬喔。
一到埗已見到每抬有個大大既鑊(鐵板）係抬正中.
抬上有MEMO紙, 供食客寫上什麼願望，仲有意見等。貼滿於窗邊，甚有韓式餐廳特色。
我們三人點了這裡的招牌菜：芝士風味雞前菜：沙律，泡菜，白蘿蔔，青瓜等，普普通通。
附送紅白蘿蔔湯，味道清清地, 無味精, 先令味蕾清新下。
主角來了：芝士風味雞（二人份）$320
材料有醬汁腌好了的雞件，韓式年糕，金菇，椰菜，紅蘿蔔片， 青蔥, 幾片芝士。
Oppa 用車仔送來食材，並作為成晚既御廚，全程由oppa 負責落鑊，炒雞，落芝士，炒飯。睇落去仲有好精彩既惹火表演食飯仲有廚藝表演睇，一食兩得。
（係客人面前既大鑊即炒，油煙淺油在所難免，這裡好細心預先為客人提供圍裙。淺油可避開，幸好油煙未算好大，至少比韓燒好多，食完都無咁大陣味）
將所有食材落鑊後，雞件放中間，菜類圍在鑊邊，之後oppa一手落油一手楂住手槍，趁我影緊相，不為意之際，就開火。。。頓時火光熊熊，哈 初頭被佢嚇親。 之後可能oppa見我退後避一避，下一次先講are you ready?
今次我當然預備好手機，拍下最大火的一刻！
大火到連oppa都o咀
炒好雞，之後將鍋蓋蓋上，等大約不到10分鐘。之後oppa來 將食物慢慢有心機砌出心形狀。唔通oppa想向我們示愛（害羞）。原來砌心型係要留返中間位置 俾佢倒入芝士碎粒。再蓋好鍋蓋，等d芝士於高溫中溶化。
等10分鐘Oppa 來打開鑊蓋, 一開蓋, 濃郁芝士香撲鼻而來！金黃心心加橙紅辣雞，色香俱備。芝士能拉出長長既拉絲，證明其濃厚程度。溶左既芝士入口食到一層軟腍，夠滑！
先嚐雞肉，甜辣醬味道辣度適中，是靈魂所在，香辣惹味，雞肉非常嫩滑，啖啖鮮肉，肉滑索埋甜辣醬味，會不其然吃多幾件。
另一口味就係配芝士食，芝士微鹹加埋辣雞，中和了刺激的辣度，更易入口。
年糕煙煙韌韌配濃滑芝士，口感巧妙豐富，天衣無縫。年糕拉起芝士絲 食落有點邪惡感
蔬菜配料作為非常重要既綠葉，因為菜索左甜辣醬，亦十分鮮味，食雞外食下菜增加纖維令腸胃易消化fresh下, 食都食多d啦！
蘿蔔椰菜都好爽脆鮮甜！
最後，食到雞仲有1/4時，我們開始慢下來，畢竟二人份量都幾大。當時醒起我地仲有個炒飯，於是叫了oppa。
佢就過來拎左一兜飯，椰菜絲，紫菜絲，蟹子。再次為我們表演！這個炒飯非常簡單，將所有材料放鑊炒，先將剩餘的炒雞放旁邊，飯在中間炒，炒到咁上下，將雞亦撈埋，咁樣飯就沾上甜辣汁，炒炒下oppa又砌多次心心 哈，手法純熟，應該每日送左唔少心心俾客人
炒飯帶點辣汁濕潤，但食到底部有層焦脆，飯焦好好食！紫菜椰菜令炒飯口感層次豐富，白芝麻令炒飯更香，甜辣汁亦係全個飯既神髓，估唔到簡簡單單既炒飯都有驚喜
總結：用大鑊煮，食物好夠火喉！
Oppa精彩火燒印象深刻，加分！
份量多, 相對黎講係幾抵食！
張貼
