影片
更多
2022-01-02
228 瀏覽
經常出尖沙咀都有留意到呢間餐廳，但未曾有機會光顧，今年聖誕走咗轉荃灣，抱住一試無妨嘅心態訂咗枱兼付訂金，點知就係惡夢嘅開始…😓當日一行3人order咗佢哋特定嘅Christmas set menu，另外再加咗幾款聖誕版單點菜式，整體上係咩種類嘅食材都有…🍵 首先個黑松露蘑菇湯，係好多菇好足料，但”稀了了”完全唔係西湯應有嘅濃郁口感…🍟 小食炸薯條炸過龍搞到乾晒，條條都硬框框…🥓 前菜係火腿凍肉拼盤，立立雜雜咩都有幾片，但全部都係超市包裝食物拎出嚟咁嘅質素，再加塊好似搭枱咁嘅麵包又乾又硬…🐔 隻燒春雞除咗脾位比較嫩之外，中間雞胸部份係鞋到咬唔到…🥘 招牌西班牙海鮮飯超級酸，啲飯杰到一餅嘢咁，難食到每人食咗一啖之後頂唔順成盤放棄…🦞 波士頓龍蝦配慢煮牛柳，兩樣都Overcook，啲蝦肉黐實晒個殼，搞咗好耐終於起到肉，但咬落好鞋，旁邊放咗隻蝦箝但完全冇開，係咪當伴碟唔諗住俾人食？🥩 舊牛柳終極差，我未食過慢煮可以做到呢種韌度，我咬咗成分鐘都咬唔爛，直接放棄，立即吐出！🍰 聖誕樹頭蛋糕好難食，膠味朱古力，macaron係糖尿級數嘅甜…😩🤢🤮最後我哋同職員反映食物質素實在太差，冇一樣嘢係合格，人
當日一行3人order咗佢哋特定嘅Christmas set menu，另外再加咗幾款聖誕版單點菜式，整體上係咩種類嘅食材都有…
🍵 首先個黑松露蘑菇湯，係好多菇好足料，但”稀了了”完全唔係西湯應有嘅濃郁口感…
🍟 小食炸薯條炸過龍搞到乾晒，條條都硬框框…
🥓 前菜係火腿凍肉拼盤，立立雜雜咩都有幾片，但全部都係超市包裝食物拎出嚟咁嘅質素，再加塊好似搭枱咁嘅麵包又乾又硬…
12 瀏覽
0 讚好
0 留言
🐔 隻燒春雞除咗脾位比較嫩之外，中間雞胸部份係鞋到咬唔到…
燒春雞
11 瀏覽
0 讚好
0 留言
🥘 招牌西班牙海鮮飯超級酸，啲飯杰到一餅嘢咁，難食到每人食咗一啖之後頂唔順成盤放棄…
西班牙海鮮飯
28 瀏覽
0 讚好
0 留言
🦞 波士頓龍蝦配慢煮牛柳，兩樣都Overcook，啲蝦肉黐實晒個殼，搞咗好耐終於起到肉，但咬落好鞋，旁邊放咗隻蝦箝但完全冇開，係咪當伴碟唔諗住俾人食？🥩 舊牛柳終極差，我未食過慢煮可以做到呢種韌度，我咬咗成分鐘都咬唔爛，直接放棄，立即吐出！
波士頓龍蝦配慢煮牛柳
26 瀏覽
0 讚好
0 留言
🍰 聖誕樹頭蛋糕好難食，膠味朱古力，macaron係糖尿級數嘅甜…
聖誕樹頭蛋糕
14 瀏覽
0 讚好
0 留言
😩🤢🤮
最後我哋同職員反映食物質素實在太差，冇一樣嘢係合格，人生未試過如此浪費食物，但真係太難食，就算肚餓都食唔落口🤮
最後餐廳為表歉意free咗個甜品：抹茶麻薯窩夫，估唔到呢個甜品係全餐飯最高質、最好食嘅item，俾我哋極速清晒😳 估唔到係一間西班牙餐廳用膳，成餐飯最好食嘅係呢款日式甜品…! 😨
抹茶麻薯窩夫
8 瀏覽
0 讚好
0 留言
當日係聖誕節，但都唔爆場，整體上你隨時Walk in都有位，會唔會係呢間野喺荃灣街坊心目中早被Blacklist，係我哋啲港島區嘅鄉里出城先中伏？我都有嘗試幫佢諗啲原因，會否平時打骰嘅大廚聖誕要放假，交俾啲下屬處理所以搞到咁？Anyway，好地地食個聖誕大餐得到如此失望嘅結局…
唯一要讚嘅係職員都好helpful，我知食物質素差其實唔關樓面事，但冇辦法佢哋要直接面對客人嘅投訴但同時愛莫能助，成餐飯得到咁差嘅體驗，罪魁禍首應該歸咎廚房同入貨嘅食材🙅🏻♀️🙅🏻
餐飯三個人食咗千幾蚊，簡直同倒錢落海冇分別💸
張貼
