影片
更多
2013-12-28
3763 瀏覽
已有一段時間冇寫食評喇，但食完呢餐之後好耿耿於懷，實在意難平，即晚寫食評...公司係鰂魚涌，想揾間好些少嘅鐵板焼或日本餐廳冇乜選擇，銅鑼灣又太遠。其實早已從一些著名博客食評中聽過莫師傅的大名，所以最後決定去試係大坑嘅 "鐵板燒·鑄"同行兩個同事其中一位其實之前試過，當時嘅評語係中上，唔錯嘅。訂咗一點三位，一開門已經係鐵板焼檯，地方有啲細但裝修唔錯。但因為冇簾風之類嘅buffer zone，所以整個入門口，同服務員攞位，閂門，除褸，坐低嘅過程，都係係最近門口嗰幾位食客背後完成，無可避免地做成滋擾，大家都有啲唔太自在眼望望咁。主廳嘅鐵板焼檯分兩邊，左邊係莫師傅而右邊係鄭師傅。依我哋嘅位置睇應該係鄭師傅Serve喇。之前係飲食雜誌同FB都有睇過關於佢嘅Article，主要內容係話唔好只留意佢外表，手勢好好架云云。Menu上兩個較平嘅Lunct Set都只有牛肉而冇海鮮，所以最後Order咗三個厨師精選午餐，$320有銀鱈魚，有蝦同牛肉。睇落略貴，但如果好食冇所謂。先上前菜沙律，用盃上頗特別，用料新鮮，底下係麵豉醬。呢個時侯有一班人Walk in，四個冇訂位都可以安排到。可能我諗得太遠...年
實在意難平，即晚寫食評...
公司係鰂魚涌，想揾間好些少嘅鐵板焼或日本餐廳冇乜選擇，銅鑼灣又太遠。
其實早已從一些著名博客食評中聽過莫師傅的大名，所以最後決定去試係大坑嘅 "鐵板燒·鑄"
同行兩個同事其中一位其實之前試過，當時嘅評語係中上，唔錯嘅。
訂咗一點三位，一開門已經係鐵板焼檯，地方有啲細但裝修唔錯。
但因為冇簾風之類嘅buffer zone，所以整個入門口，同服務員攞位，閂門，除褸，坐低嘅過程，
都係係最近門口嗰幾位食客背後完成，無可避免地做成滋擾，大家都有啲唔太自在眼望望咁。
主廳嘅鐵板焼檯分兩邊，左邊係莫師傅而右邊係鄭師傅。
依我哋嘅位置睇應該係鄭師傅Serve喇。
之前係飲食雜誌同FB都有睇過關於佢嘅Article，主要內容係話唔好只留意佢外表，手勢好好架云云。
Menu上兩個較平嘅Lunct Set都只有牛肉而冇海鮮，所以最後Order咗三個厨師精選午餐，$320有銀鱈魚，有蝦同牛肉。睇落略貴，但如果好食冇所謂。
先上前菜沙律，用盃上頗特別，用料新鮮，底下係麵豉醬。呢個時侯有一班人Walk in，四個冇訂位都可以安排到。
可能我諗得太遠...年尾最後一個星期五嘅Lunch都咁易有位
某程度會唔會係一個啟示呢?
另外，呢斑人入咗嚟之後冇閂門，Waitress唯有帶完位之後匆匆去閂。
但已感受到外面嘅冷風，場地溫度控制同帶位程序明顯並不協調。
食緊沙律嘅時侯，鄭師傅仲係Serve緊右邊嘅一個家庭，準備緊銀鱈魚同牛肉薄燒。
我估佢可能要serve完佢哋先到我哋啦，今日唔趕時間冇所謂。
於是我與同事如常傾計地等。
但忽然鄭師傅將三份銀鱈魚放係我哋面前，原來係我哋嘅...
我仲以為食鐵板焼，師傅同人客咁近會有好些少嘅溝通。
係毫無任何溝通及眼神接觸下我實在估唔到佢係幫緊我準備食物。
亦因為咁所以我無留意到佢點煮...
我估係白酒汁煎煮銀鱈魚，係灘萬食過同樣嘅煮法。但相中所見嚿魚係碎開咗幾片嘅，頗難以接受。
正常好食但個人較喜歡簡單啲冇汁只用鹽，胡椒及檸檬牛油調味嘅食法。
之後上鐵板大蝦，蝦係預早剝咗殼而唔係係鐵板檯上剝，較為少見。蝦亦比較我係其他鐵板焼餐廳食過嘅細些少。
蝦煎至約七成熟，我明白蝦全熟會老但現時感覺係生熟程度OK但表面唔夠熱。
調味較淡，話說回來，檯面有兩種汁但師傅或Waitress都冇講解過係用嚟點乜。
兩種都唔係見慣嘅海鮮醬所以最後乜都冇點。
蝦頭有膏，唔錯，再煎耐啲煎香啲會再好啲。共中一位同事唔食蝦，落單時向服務員詢問可唔可轉其他嘢。
服務員之後有禮地回覆話可以轉帶子。
好吸引...攪到我心大心細都想轉
好在冇轉...現場所見隻帶子係幾細隻吓，亦冇連殼上。
同事嘅評語係"嘛嘛地，火侯OK，冇乜味"
薄燒牛肉，師傅首先係我地隻碟上放咗啲幼嘅粉紅色岩鹽，話係用嚟做薄燒嘅調味。之後問我哋"生D都Okay?" 我哋示意Okay
第一件我冇點鹽，師傅手勢同火侯唔錯，牛肉約五六成熟
但冇乜肉味，有些少淡，不過通常薄燒牛肉都係咁...
所以之後嘅都有點岩鹽，但建議可考慮用較粗粒嘅岩鹽，因為太幼嘅鹽點嘅時侯好難控制。
炒飯，夠乾身夠味但其實冇乜特別，比較下雪舟，和三昧都做得較好
最後係甜品或咖啡或茶之中揀一
唔知點解好多時鐵板焼餐廳D咖啡都有驚喜，所以我揀熱咖啡。
熱咖啡幾香唔錯但太大杯，太大杯其實冇罪最多飲唔哂，
可能我吹毛求疵但個人認為冇咗種精緻嘅感覺。
相對下花盃嗰杯微型嘅熱咖啡配熱咖啡奶依然記憶猶新。
食完整個Lunch嘅感覺係...面目模糊，亳無亮點，用料中庸。
我不能自控地邊食邊諗 "呢度梗係好貴租喇..."
因為"性價比"實在低。
我又再諗，可能莫師傅serve會唔同，可能晚餐會好D
但我估我唔會俾機會自己Find Out喇!
張貼
