山下菓子 (如心廣場) (已結業)

荃灣如心廣場越來越多好嘢食，今日接表妹放工，順便喺呢度搵嘢食，上到2樓見到呢間主題餐廳，又食得又睇得。好，坐低睇吓有咩好食先。芝士忌廉明太子蛋包飯，上面有好大塊拉絲芝士，芝士控真係要尖叫，仲加上海量忌廉明太子醬汁，食完都有想加飯嘅衝動。咖哩蛋包飯，超多咖哩汁，日式唔辣嘅咖哩汁既惹味又唔漏，加上滑滑炒蛋，正呀！追加左明太子雞翼，原隻脆皮炸吉列蠔，炸到熱辣辣卜卜脆送上枱，怕熱氣都要食左先。甜品係千層蛋糕，草莓味甜得黎唔會酸，朱古力就有濃厚朱古力味。