影片
更多
2023-11-26
78 瀏覽
☕️ Pause It (北角)📍今次去咗北角一間文青Cafe🎨，一坐低就見到有塊牌仔寫住贏過拉花比賽🏅，同有開班教咖啡拉花，好似好勁咁，就梗係叫返杯啦。🍴伯爵茶朱古力 $46 8.5/10一上到嚟就見到超打卡able嘅拉花🌺，飲落好重伯爵茶味🫖，但同時亦唔會搶走晒朱古力味，兩者平衡得好好⚖️。🍴薄荷朱古力咖啡 $42 9/10呢一個拉花同樣咁靚😍，宜家香港好少地方有得飲peppermint mocha🌱，難得見到，就梗係試吓啦！一飲落就有淡淡的薄荷味同朱古力🍫，中間咖啡味出埋嚟，最後會feel到薄荷帶嚟嘅涼陣陣❄️。成杯嘢好有層次，同埋唔使驚好甜🍬。如果你係薄荷朱古力控，極力推薦你要嚟試呢杯‼️。🍴牛肉煙肉漢堡配薯條 $108一拎上手個包勁熱辣辣🔥，feel到個麵包係有搵牛油煎過，好香牛油味🧈；塊牛係好厚好juicy ，但塊牛真係無味🥩，係一啲鹹味都冇; 成個包淨係靠佢嗰Wasabi蛋黃醬先會有味👅，重要佢個醬唔係好多，所以成個包基本上冇乜味，但有醬嘅部份係好食嘅。佢啲食材係唔差，feel 到係有用心❣️，如果佢塊牛有返啲味，成個包應該會好食好多😌。佢薯條係類似M記嗰款幼身薯條配Five Gu
今次去咗北角一間文青Cafe🎨，一坐低就見到有塊牌仔寫住贏過拉花比賽🏅，同有開班教咖啡拉花，好似好勁咁，就梗係叫返杯啦。
🍴伯爵茶朱古力 $46 8.5/10
一上到嚟就見到超打卡able嘅拉花🌺，飲落好重伯爵茶味🫖，但同時亦唔會搶走晒朱古力味，兩者平衡得好好⚖️。
🍴薄荷朱古力咖啡 $42 9/10
呢一個拉花同樣咁靚😍，宜家香港好少地方有得飲peppermint mocha🌱，難得見到，就梗係試吓啦！
一飲落就有淡淡的薄荷味同朱古力🍫，中間咖啡味出埋嚟，最後會feel到薄荷帶嚟嘅涼陣陣❄️。成杯嘢好有層次，同埋唔使驚好甜🍬。
如果你係薄荷朱古力控，極力推薦你要嚟試呢杯‼️。
🍴牛肉煙肉漢堡配薯條 $108
一拎上手個包勁熱辣辣🔥，feel到個麵包係有搵牛油煎過，好香牛油味🧈；塊牛係好厚好juicy ，但塊牛真係無味🥩，係一啲鹹味都冇; 成個包淨係靠佢嗰Wasabi蛋黃醬先會有味👅，重要佢個醬唔係好多，所以成個包基本上冇乜味，但有醬嘅部份係好食嘅。
佢啲食材係唔差，feel 到係有用心❣️，如果佢塊牛有返啲味，成個包應該會好食好多😌。
佢薯條係類似M記嗰款幼身薯條配Five Guys嗰粉🍟，但同佢個burger一樣，都係唔夠味，啲粉勁少，但同時又冇落鹽🧂。如果啲粉多番少少，成件事會即刻好好多👍🏻。
🍴紅酒燴西班牙豬軟骨意大利飯 $98
一上到嚟又係出晒煙，啲豬軟骨勁淋🐖，唔使驚太硬咬唔開，而啲飯亦都粒粒分明唔會煮到粥咁🍚，保留咗risotto 獨特嘅口感。
但真係冇紅酒味🍷，淨係食得出蕃茄味，似羅宋湯燉飯多啲🥫，同埋食到最後會有啲咸。如果你唔係當佢係紅酒燉飯嚟食，而係羅宋湯燉飯嚟食🍅，而你又稍微重口味，其實都唔差😃。
💰 翻兜指數: 8/10
以40幾蚊就可以係呢一個咁舒適嘅cafe到坐吓🪑，嘆一杯有靚靚拉花嘅咖啡☕️，仲要唔收加一💲，係幾推薦嚟嘆杯咖啡✨。
好適合平時同朋友想搵嗰地方吹吓水🗣️，又或者自己一個喺附近等人，想搵嗰地方坐下👩🏻💻。
但…就唔係好建議你叫以上嗰兩款食物🙈，可能試吓其他食物會更好。
張貼
