影片
更多
2018-10-18
1492 瀏覽
媽咪生日，老公話帶媽咪生日去食下好野，慰勞下媽咪！可能係因為星期三跑馬日，當晚得我地呢枱客，完全不被騷擾。店員好快攞左熱辣辣嘅面包籃俾我地食，入面有芝士面包，芝麻黑炭包同芝士條。牛油方面亦花左點心思，係黑竹露牛油嚟。我地比較花心，樣樣都試下，所以前菜，湯同主菜都每人都叫唔同款，可以開心share嚟食、Starter:西班牙紅蝦非常鮮甜，配埋泰式酸辣汁，另有一番滋味。三文魚凱撒沙律，都好大份，可以互相share食呀，菜新鮮又爽脆。大生蠔一隻，老公話非常鮮甜，一個字:正！湯: 黑松露花膠湯，一開始覺得呢2樣一中一西，抱住一個會中伏嘅心態去試，但係事實上又幾好飲咼，入面有幾片黑松露，係3個湯入面最清澈。南瓜帶子湯，濃郁嘅南瓜湯，入面有幾片大帶子，鐘意飲忌廉湯嘅creamy質地岩曬口味。活龍蝦石鍋湯，要另外加錢升級。一隻龍蝦用牛油紙包住原個石鍋上，店員會為我地打開牛油紙，即拆成隻龍蝦肉出嚟，超級鮮味濃郁，啖啖龍蝦肉。前菜帶子配海皇汁，帶子好厚肉，淋上蟹膏嘅芡汁，再加埋金箔同鮮花做裝飾。雪芭上主菜前當然要有個清新嘅雪芭清清口腔嘅味蕾。雪芭係青蘋果味，中間混合蘋果粒，好refreshing！主菜3
可能係因為星期三跑馬日，當晚得我地呢枱客，完全不被騷擾。
店員好快攞左熱辣辣嘅面包籃俾我地食，入面有芝士面包，芝麻黑炭包同芝士條。牛油方面亦花左點心思，係黑竹露牛油嚟。
我地比較花心，樣樣都試下，所以前菜，湯同主菜都每人都叫唔同款，可以開心share嚟食、
Starter:
西班牙紅蝦非常鮮甜，配埋泰式酸辣汁，另有一番滋味。
三文魚凱撒沙律，都好大份，可以互相share食呀，菜新鮮又爽脆。
大生蠔一隻，老公話非常鮮甜，一個字:正！
湯:
黑松露花膠湯，一開始覺得呢2樣一中一西，抱住一個會中伏嘅心態去試，但係事實上又幾好飲咼，入面有幾片黑松露，係3個湯入面最清澈。
南瓜帶子湯，濃郁嘅南瓜湯，入面有幾片大帶子，鐘意飲忌廉湯嘅creamy質地岩曬口味。
活龍蝦石鍋湯，要另外加錢升級。一隻龍蝦用牛油紙包住原個石鍋上，店員會為我地打開牛油紙，即拆成隻龍蝦肉出嚟，超級鮮味濃郁，啖啖龍蝦肉。
前菜
帶子配海皇汁，帶子好厚肉，淋上蟹膏嘅芡汁，再加埋金箔同鮮花做裝飾。
雪芭
上主菜前當然要有個清新嘅雪芭清清口腔嘅味蕾。雪芭係青蘋果味，中間混合蘋果粒，好refreshing！
主菜
3款主菜嘅配菜雖然都係一樣，但睇得出好有心思，焗薯下面竟然係黑松露薯蓉。
羊扒配薄荷芒果沙沙
羊肉好嫩滑，一點都冇羶味，芒果沙沙配合起上嚟有個特別嘅感覺。
和牛配鴨肝
這兩樣嘅配搭永遠係perfect，2樣都煎到恰到好處，好好味。
伊比利亞豬鞍扒
起埋骨，啖啖肉，一啲都唔鞋口，配埋一個黑松露gravy汁，nice！
甜品
芒果奶凍同綠茶牛奶布甸，兩樣都好味。
飲品
我地叫左蜜糖檸檬水，非常有誠意係Manuka 蜜糖。
店員態度非常親切，主動為我地影相。有機會一定會再嚟。
張貼
