北斗

營業中

休息中

朋友升職飯當然要請佢食餐好，book左九龍城呢間廚師發辦享受下，原來師傅已經黎左香港33年，難怪廣東話咁流利，前菜安排左黑魚子海膽蟹膏豆腐，用雪鹽拌碟，蟹膏壽司食得多，完全無唸過放落豆腐到，好神奇個豆腐真係有鹹香蟹膏味，口感非常滑溜，之後就到唔同食材既揚物，第一道係京都萬願寺唐辛子，日本有好多唔同辣椒，呢種就唔辣既，質感似秋葵，味道似青豆，配檸檬汁就清新，接着係炸沙錐魚，即使炸完肉質依然嫩滑，中間插個大蜆湯，師傅對每道菜式既上碟都十分講究，無唸過大蜆湯係用茶壺茶杯飲，等客人可以慢慢飲又保溫，真係好細心！炸日本帶子配黑松露醬、北海道真蠔，呢兩道大讚！全部即叫即炸，原啖蠔泡加魚子，大滿足呀，子持昆布都好特別，係希靈魚係昆布產卵，所以一咬開全部都係粒粒魚子，吱吱下好得意哈哈，重點到我最喜歡既海膽，底層炸紫菜，第三層富山灣白蝦刺身，頂層係北海道海膽刺身，海膽濃郁既海水豐富口感，好幸福啊，吞完仍然有陣甜甜的海膽味係口腔徘徊，唔誇張真係好好味，鮑魚自家製醬汁，喜歡個醬汁係海草製成，新鮮味道，最尾來個明太子茶漬飯，微辣，煙韌日本飯粒加清湯底，甜品師傅㨂左靜崗冠密瓜，近富士山產地，清甜爽口，為今晚作完