Puppuccino (已結業)

平時都係去donki 個啲cafe 食飯有啲餐廳無得book 定先，係要排隊，仲等極耐又限時食，張枱又細，真係好無癮。但係估唔到今次呢間都係附近係可以定book枱又pet friendly🐶 先係重點。啲職員都睇得出係鐘意寵物，會陪玩，極有親切感。餐廳裝修好有異國風味，而且室外都有枱可以坐，有啲海風吹下都應該好舒服-珍寶龍蝦尾🦞配三文魚籽明太子意粉呢個認真係好味！值得推介，係我食過最好嘅三文魚籽明太子意粉🍝top 3 之一。要講下珍寶龍蝦先，真係無雪味，而且肉質好有彈性，仲要整得好香👍🏻。意粉真係creamy 🤤，啲醬汁調配好濃郁，食每一啖個口腔都覺得好滿足。下次來可以叫一碟自己自私食🫣-韓式泡菜煙肉炒腸粉個賣相真係好似炒年糕😂，不過食落口感完全相反，唔會食到牙骹都酸埋，而且唔係好辣，配埋韓式泡菜嘅汁&煙肉嘅咸香，無不知不覺咁食晒🤤-墨西哥粟米脆片配牛油果醬呢個墨西哥粟米脆片真心好脆，有時會咬到飛到枱到，食到最尾仲好脆🤣雖然個menu 係講配牛油果醬，真係好正咁有埋另外個2隻醬，等等我可以慢慢點慢慢食，唔似其他餐廳咁會落芝士，搞到最尾淋晒。