Puppuccino (已結業)

將軍澳海旁近來成為新興打卡地點，好多人專誠嚟睇跨灣大橋，喺海旁散步放狗。呢一帶都開咗好多特色餐廳，好值得專誠嚟搵吓嘢食。Puppuccino夜晚都有好多狗主人帶埋愛犬一齊嚟食晚餐，好溫馨呀。煙三文魚紅菜頭牛油果莎莎 $108先來一個清爽嘅前菜，擺盤好精緻，紅菜頭牛油果莎莎調味啱啱好，非常開胃。燒酒烤肋骨半份 $198食豬肋骨最怕啲肉烤到柴晒，欣賞佢地將肉質烤到啱啱好，依然保持鬆軟，食落夠哂juicy惹味。慢煮三杯雞意大利煲仔飯 $158用煲仔嚟煮risotto有創意，上碟keep住熱辣辣噴曬煙。雞肉都幾多，調味濃郁帶點微辣，煩惱沾滿香濃醬汁，好惹味，推薦必點。菜式設計同餐廳環境都睇得出落足心機，户外同室內用餐區都俾人一種型格休閑嘅感覺。無論有冇寵物，都值得來呢到試下佢哋嘅創意fusion菜。