影片
更多
2021-08-09
1977 瀏覽
對上一次嚟Pici已經係成年前，當時同朋友嚟，整體印象好唔錯，平日性價比又高。之後都成日同另一半提起，一定要搵機會嚟同佢試試，週末見有時間就即刻行動荔枝角店算幾方便我哋，座位都多，而且呢排附近又有市集，飯後可以行吓。到訪時接近中午，因為係週末啦，人流都幾多，疫情關係，客人要喺入口位置登記資料同量體溫，然後店員就會安排座位。第一個感覺係，店員嘅服務、態度比第一次嚟嘅時候更優勝同親切呢餐廳最近推出咗新餐單「海鮮盛宴」，每位定價$238可以享用麵包、前菜、意大利麵、飲品 (部分要加錢升級），當然唔少得可以食埋佢哋嘅經典甜品tiramisu啦。呢個餐牌會多咗啲有海鮮嘅選項，例如前菜入面嘅海鮮辣蕃茄燴湯；主菜入面嘅忌廉龍蝦闊條麵、燉煮八爪魚醬意式雲吞等。我哋今日就點咗兩個set for 1，人均大約係$380，真係不得不承認，過份豐富了！呢度上菜速度恰當，待客人食完一道先上另一道菜，確保每樣嘢都係新鮮熱辣嘅狀態前菜海鮮辣蕃茄燴湯呢度嘅湯係「可以食嘅」，湯頭厚身又多料，入口茄味濃郁，帶微微辣度，飲落好開胃。新鮮嘅青口同蜆肉當然亦係加分位，個人認為燴湯幾出色香脆炸魷魚 +$10炸魷魚都係呢度好受歡迎
餐廳最近推出咗新餐單「海鮮盛宴」，每位定價$238可以享用麵包、前菜、意大利麵、飲品 (部分要加錢升級），當然唔少得可以食埋佢哋嘅經典甜品tiramisu啦。呢個餐牌會多咗啲有海鮮嘅選項，例如前菜入面嘅海鮮辣蕃茄燴湯；主菜入面嘅忌廉龍蝦闊條麵、燉煮八爪魚醬意式雲吞等。
我哋今日就點咗兩個set for 1，人均大約係$380，真係不得不承認，過份豐富了！呢度上菜速度恰當，待客人食完一道先上另一道菜，確保每樣嘢都係新鮮熱辣嘅狀態
前菜
海鮮辣蕃茄燴湯
呢度嘅湯係「可以食嘅」，湯頭厚身又多料，入口茄味濃郁，帶微微辣度，飲落好開胃。新鮮嘅青口同蜆肉當然亦係加分位，個人認為燴湯幾出色
香脆炸魷魚 +$10
炸魷魚都係呢度好受歡迎嘅前菜，炸漿薄身，炸得夠透，而魷魚因為新鮮食落仲保持到軟嫩，唧少少檸檬汁，冇一絲油膩感。
意大利麵
忌廉龍蝦闊條麵 +$88
大蝦海鮮濃汁黑細麵 +$30
Pici嘅意大利麵都係每日新鮮手工製嘅，價錢同質素成正比，鐘意食龍蝦嘅朋友可以考慮試吓呢款闊條麵呢，可以見到半隻都唔細嘅龍蝦，鉗仲去埋殼，勁方便食用，口感爽彈啖啖肉有鮮味闊條麵淋上大量濃厚鹹香嘅醬汁，麵質有咬口，唔知係咪我錯覺，好似仲比平時份量多啲。
另一款黑細麵係完全唔同嘅口感，麵條細而有彈性，呢款會比龍蝦闊條麵重口味少少。細麵有兩隻大蝦，肉質結實燒得香口
飲品無酒精特調 +$25
點咗兩杯打卡度比較高嘅無酒精特飲，分別以熱情果同紅莓為基礎，味道清新，唔會話有好假好假嘅糖水味/1藥水味。
甜品
Tiramisu +$30
甜品有意式奶凍或提拉米蘇，上次食過提拉米蘇好滿意，所以今次同另一半兩個都係點呢款，真係幾出色，明明已經好飽好飽同埋好肥好肥，都一會食清光嘅甜品。入口順滑帶適量酒香，唔會乾爭爭又唔會濕笠笠，係恰到好處嘅美味
成日同另一半講起Pici，今次終於同佢嚟到試吓啲手工意粉，問番佢佢都話好滿意呢。
張貼
