影片
更多
2021-05-30
690 瀏覽
之前食完Pici手工意粉，有張Coupon就揀左Tokyolima試下，啲菜式好特別，幾吸引！星期六日公眾假期1100至1400就係得呢個Brunch Menu，唔洗煩揀咩食，正😝第一樣一定要講地點先，簡直係隱世餐廳😂 如果唔係之前睇過其他食評話要上樓梯，一定搵勁耐都搵唔到！大家上樓梯之後左邊道其貌不揚嘅大木門(仲要勁重)就係餐廳門口，大大力推入去就得架喇！😝🔸Welcome Drink ☕️係一杯咖啡味嘅cocktail，幾特別，感覺同baileys coffee相近，不過呢款冇baileys咁甜，酒味偏重小小，聞落好香☕️前菜🔸Mango Ceviche呢個感覺比較特別，係鱸魚魚生+(特調)芒果汁，特別在魚生係冇味 (冇魚味冇鮮味，應該本身魚質問題，唔適合做魚生)，但個汁其實係好味😂 兩件事唔夾，呢款魚相信一般係熟食有汁/調味料醃下入味先好食。🔸Maguro Nuevo看似由好多材料構成嘅壽司，食材配搭好健康，見到有近年興起嘅紅菜頭(汁)有小小期望，結果成碟野其實係冇乜味😂🔸Salmon Causa唔錯嘅👍🏻 ginger mayo同薯蓉配搭得幾好，份量小小唔怕好快飽左。🔸Pan Co
第一樣一定要講地點先，簡直係隱世餐廳😂 如果唔係之前睇過其他食評話要上樓梯，一定搵勁耐都搵唔到！大家上樓梯之後左邊道其貌不揚嘅大木門(仲要勁重)就係餐廳門口，大大力推入去就得架喇！😝
🔸Welcome Drink ☕️
係一杯咖啡味嘅cocktail，幾特別，感覺同baileys coffee相近，不過呢款冇baileys咁甜，酒味偏重小小，聞落好香☕️
前菜
🔸Mango Ceviche
呢個感覺比較特別，係鱸魚魚生+(特調)芒果汁，特別在魚生係冇味 (冇魚味冇鮮味，應該本身魚質問題，唔適合做魚生)，但個汁其實係好味😂 兩件事唔夾，呢款魚相信一般係熟食有汁/調味料醃下入味先好食。
🔸Maguro Nuevo
看似由好多材料構成嘅壽司，食材配搭好健康，見到有近年興起嘅紅菜頭(汁)有小小期望，結果成碟野其實係冇乜味😂
🔸Salmon Causa
唔錯嘅👍🏻 ginger mayo同薯蓉配搭得幾好，份量小小唔怕好快飽左。
🔸Pan Con Chicharron🐷
肥豬肉漢堡🐷就咁食塊肥豬肉會比較乾，肉質一般，就咁食會較咸，但有啲配料同醬汁比大家DIY下，都幾得意既😚
🔸Ki-mo-chi Fried Chicken🐥
係眾多foodie稱讚嘅炸雞😏其實炸物好難整得難食，呢個係ok嘅😎佢寫係用雞脾肉，所以都比較嫩唔會係柴皮雞胸啲frd，醬/肉質/炸漿份量恰到好處😋
🔸Chicken Anticuchero 🐥
其實係煎雞腿肉，外皮煎得幾香口，佢個薯蓉都唔錯，好香牛油味。
🔸Estofado con Pan 🐷
呢個short ribs(舊肉)未去到世界級但有亞洲級好食😂烹調方法係慢煮，佢真係煮得100%啱-啱-好! 肉質好腍好嫩好香好正🤤 不過芫茜厭惡者請注意繞道走📢 因為個汁亦係100%芫茜嘅🤪建議餐廳提供多一種醬汁選擇比客人🙈咁樣可以令更多人試到呢道菜👍🏻舊肉係好好食😎
🔸T-3 Salad to Share🥗
沙律😍驚喜地出色😍啲料冇乜好講正常發揮，但個汁好出色，酸酸甜甜好好味😋 特別係當你已經食左好多道菜已經飽飽地，呢個時候食啲帶酸嘅野可以刺激返味蕾同(心理上)清一清油膩&食滯感。醬汁同上菜timing都好好👍🏻
🔸Lime Mousse & Sweet Pastries Basket
甜品🥧基本上成個籃入面嘅內容物都係好一般，曲奇同鬆餅循例咬完一啖已經冇食落去嘅衝動🙈實在太飽！Lime mousse可以一試，有一層薄薄嘅朱古力，不過覺得淨lime其實會更好，同朱古力唔太夾，好彩朱古力份量只係少少。
總括餐廳style行創新路線，欣賞廚師背後所花嘅心意同創意☺️菜式整體都ok，試到咁多道菜既價錢真係唔貴，成個Brunch相當豐富😚
張貼
