影片
更多
2021-06-27
111 瀏覽
Friday afternoon 見個天藍藍的就出去赤柱行下吸收下日月精華。想搵間坐得舒服又食物質素好的餐廳chill 下，好，就pizza express 啦！兩個人冇食早餐所以好肚餓叫左好多野食😂 。以下真係兩個人的食量。starter:- Carrot soup: 好清甜的carrot 味，湯的texture 唔係好thick 個種唔會飲兩啖就飽左，佢係偏稀的但絕對足料，每啖都係濃濃的打碎左的蘿蔔溶。-avocado tomato dip: 個包毫無疑問係佢地signature 個種麵包切成三角形，至於個dip sauce 真係不得了，個人係avo迷，係avocado 做base 下再加蕃茄仲有好香的olive oil同開心果粒，趁埋個包係超級夾，最後個dip sauce 係比我地清光光！Salad:Chicken Caesar (full)- 到世界各地食沙律我都係揀chicken Caesar, classic得黎又有唔洗驚伏，今次照樣Caesar! 有掙扎好唔好叫half size, 最後驚兩個人share 之後得好少所以都係叫返full. 好在有叫full，唔係話佢份量少
兩個人冇食早餐所以好肚餓叫左好多野食😂 。以下真係兩個人的食量。
starter:
- Carrot soup: 好清甜的carrot 味，湯的texture 唔係好thick 個種唔會飲兩啖就飽左，佢係偏稀的但絕對足料，每啖都係濃濃的打碎左的蘿蔔溶。
-avocado tomato dip: 個包毫無疑問係佢地signature 個種麵包切成三角形，至於個dip sauce 真係不得了，個人係avo迷，係avocado 做base 下再加蕃茄仲有好香的olive oil同開心果粒，趁埋個包係超級夾，最後個dip sauce 係比我地清光光！
Salad:
Chicken Caesar (full)- 到世界各地食沙律我都係揀chicken Caesar, classic得黎又有唔洗驚伏，今次照樣Caesar! 有掙扎好唔好叫half size, 最後驚兩個人share 之後得好少所以都係叫返full. 好在有叫full，唔係話佢份量少而係食材真係好新鮮所以爭住食(另外亦因為老了要食多啲蔬菜)！1. 個雞胸絕對唔乾唔鞋仲好juicy 2. 個bacon 好足料完全不吝嗇仲要微煎過好香 3. 芝士係高質的唔係個種好臭或好大奶味的。
Pasta:
- 辣蟹肉意粉: 呢碟係menu 上係話新菜式，有驚喜的一碟！蟹肉係滿滿的鋪係面，本身仲驚撈渾後會未必每啖都有蟹，點知我錯了，撈渾後每條意粉都沾滿蟹肉，真心每啖都有足夠的蟹肉，佢有檸檬比你，加埋幾滴檸檬汁後成個意粉再昇華左。再講多少少個蟹肉，有蟹香味的絕無戲場！
Pizza:
- Peking Duck: pizza 的choice有好多全部睇落都好吸引，最後用排除法😂之前有雞沙律有蟹意粉 所以就叫左Peking duck. 原來北京烤鴨sauce 同pizza可以咁夾！點解咁都可以比佢諗到！甜甜酸醋微辣的烤鴨sauce 再加有質素的pizza 餅底，姐吃了4塊！唔好以為淨係得sauce 冇鴨肉，佢每塊都有烤鴨肉的，大大件重點係一啲都唔鞋！
甜品:
我地好浮誇食左咁多野仲叫左兩個甜品，減肥是明天的事嘛！
-tiramisu: 杯裝上的，cream 唔係好漏個隻，個蛋糕有微微的咖啡香，加埋一齊食係有甜而不洗漏的感覺。
-Choco lava cake: 呢個真心好有驚喜，必食！1.原來chocolate 同紅莓sauce 係咁夾，甜甜酸酸咁，成件事係將清新的元素加左係朱古力身上 2.個lava cake 係入面流心得黎外面係脆的，焗爐火力控制得好好！3. 唔好以為旁邊的士多啤梨係裝飾，加埋choco cake 同紅莓sauce 食係將成個甜品個口感有層次左！
Drinks:
叫左個signature lemonade 同guava beer，冇錯lunch 已經飲beer. 呢個guava beer 好推比女仔，佢有清甜的guava 味好似飲緊果汁咁，飲到底仲見到有guava 的籽，真心真材實料！
另外要讚下赤柱呢間的waiters n waitress, 好有heart 好快手好attentive, 成餐lunch 食得好開心！
張貼
