影片
更多
2008-06-19
12 瀏覽
漢堡包係香港的選擇十隻手指數得晒，所以有機會試都會去試。雖然材料係咩，心裏有數，不過正因為大家都差唔多，反而最適合做Quality test。之前睇過唔少讓店食評，好就唔使講，唔好之原因，都係離唔開漢堡扒過乾o既問題。為左求證走去一試，無叫招牌菜，選左個辣肉豆漢堡連set。一如所料，份量唔使擔心，處理手法都幾有趣，頂蓋包乾脆無放係上面，因為要加辣肉豆放係漢堡扒上，所以第一啖食到o既係辣肉豆。辣肉豆調味不俗，甜味咸味恰到好處，用來餸包最o岩，有90分。麵包柔靭有緻，夠香好咬口；薯條係連皮粗炸，單獨買來食都唔錯。入到戲肉漢堡扒，會唔會太乾呢？用叉一壓，好稔身，但汁唔多。一食就……奇怪，唔係太乾，係太稔。厚身漢堡扒通常會溝洋葱及少少麵包拑勻，但好明顯，搓個位唔夠均勻，仍然感覺到肉與麵包之分離感，肉感尤其不足，有點掃興。食完成個餐，未至太差，也不太好，好在唔難食。但以過去食Triple ‘O、Ned Kelly's Last Stand、Hard Rock Café之經驗，Big Bite無預期中好。品質控制尚待改進，仲有通風做得麻麻，入去唔係有烤肉味，反而係焦味，對客人、員工都無乜好處。不過
之前睇過唔少讓店食評，好就唔使講，唔好之原因，都係離唔開漢堡扒過乾o既問題。為左求證走去一試，無叫招牌菜，選左個辣肉豆漢堡連set。
一如所料，份量唔使擔心，處理手法都幾有趣，頂蓋包乾脆無放係上面，因為要加辣肉豆放係漢堡扒上，所以第一啖食到o既係辣肉豆。辣肉豆調味不俗，甜味咸味恰到好處，用來餸包最o岩，有90分。麵包柔靭有緻，夠香好咬口；薯條係連皮粗炸，單獨買來食都唔錯。
入到戲肉漢堡扒，會唔會太乾呢？用叉一壓，好稔身，但汁唔多。一食就……奇怪，唔係太乾，係太稔。厚身漢堡扒通常會溝洋葱及少少麵包拑勻，但好明顯，搓個位唔夠均勻，仍然感覺到肉與麵包之分離感，肉感尤其不足，有點掃興。
食完成個餐，未至太差，也不太好，好在唔難食。但以過去食Triple ‘O、Ned Kelly's Last Stand、Hard Rock Café之經驗，Big Bite無預期中好。品質控制尚待改進，仲有通風做得麻麻，入去唔係有烤肉味，反而係焦味，對客人、員工都無乜好處。
不過最懷念，始終都係Jack in the Box。無論白汁磨菇雞扒包、珍寶包還是芝士燒肉包都令我再三回味，仲有一個必食辣肉豆Taco，Good food，Good price，惟一可惜係Not a good time，而家開業可能有得做。差不多結業10年，可惜可惜……
張貼