影片
更多
2017-05-25
374 瀏覽
係灣仔返工，平時都成日經過腸粉王呢邊買雞蛋仔，見到D鋪頭成日轉又無乜點試過今日就一於試試。話時話近公司嗰頭唔多覺有越南河粉食，我同2位同事就去左Pho778試菜😋餐廳唔大，大概可以坐20人左右，我地到嘅時候等一陣就有位啦（可能係因為河粉serve得比較快，D人好快食完就走所以都唔需要等好耐）我地3個叫左生牛肉河粉同牛腩河粉，+$15可選擇跟油菜/小食（有香茅雞翼/越南春卷）我地揀左雞翼同春卷，嘢飲如果揀汽水/紙包飲品唔需要加錢，我地揀左+$15嘅越南咖啡☕️。嘢食都好快黎到，上完個小食就黎個河粉。小食炸得夠鬆脆又香口；越南河粉都幾廉價（約$4X正常size，大碗要$6X）不過牛肉份量稍微少，可能依家D牛肉貴啦😂，D芽菜、九層塔、辣椒同青檸另一隻碟上，可自行選擇落幾多；越南咖啡一黎到就聞到好香，不過味道一般，可能我平時飲開咖啡都比較濃。埋單每人大約要$7X，係灣仔黎講都算OK。希望個河粉同牛肉嘅份量可以多一啲，好似好快食完碗河粉咁😆下次食快飯可以選擇呢度！👍🏻
餐廳唔大，大概可以坐20人左右，我地到嘅時候等一陣就有位啦（可能係因為河粉serve得比較快，D人好快食完就走所以都唔需要等好耐）
我地3個叫左生牛肉河粉同牛腩河粉，+$15可選擇跟油菜/小食（有香茅雞翼/越南春卷）我地揀左雞翼同春卷，嘢飲如果揀汽水/紙包飲品唔需要加錢，我地揀左+$15嘅越南咖啡☕️。
嘢食都好快黎到，上完個小食就黎個河粉。小食炸得夠鬆脆又香口；越南河粉都幾廉價（約$4X正常size，大碗要$6X）不過牛肉份量稍微少，可能依家D牛肉貴啦😂，D芽菜、九層塔、辣椒同青檸另一隻碟上，可自行選擇落幾多；越南咖啡一黎到就聞到好香，不過味道一般，可能我平時飲開咖啡都比較濃。
埋單每人大約要$7X，係灣仔黎講都算OK。希望個河粉同牛肉嘅份量可以多一啲，好似好快食完碗河粉咁😆下次食快飯可以選擇呢度！👍🏻
張貼