祥興記上海生煎包 (已結業)

今日放工之後有啲遲，只係得十幾分鐘食個lunch，唔想掃街同埋食麥記，所以最終揀左食生煎包。舖頭的骰，唔多位，不過乾淨企理。因為有自備水，所以冇點套餐，只係散嗌左四隻生煎包。生煎包全部都係新鮮整，熱辣辣，仲好多湯！包皮夠薄，底部既皮好脆好正！佢仲有張紙教路應該點食先係啱！因為個包真係好多湯同埋啲湯比較熱嘅關係，要食得好小心！因為真係好味嘅關係，我已經唔係第一次黎。不過有時唔會想一次食4隻，如果有得叫少啲會好啲。仲有如果唔用紙碟，用可再用碟都會更好。