Gomes’ Gastropub (已結業)

Happy Friday梗係要搵間舖頭chill下啦，上到去蘇豪區間間餐廳都好多人，唔想等唯有繼續向上行。俾我哋發現到呢間新開嘅餐廳，開放式感覺幾正。入到去見到佢呢一幅酒牆，真係酒鬼見到都興奮。一坐低佢哋就會擺低個小食脆脆，佢個脆脆帶有少少燶燶哋嘅香味，幾啱送酒。然後呢度職員極力推介佢哋個雞卷，佢話一定要試吓，包你鍾意。嚟到嘅時候又真係幾唔錯，佢中間包左雞肉，芝士同埋菜，佢啲芝士仲可以拉絲添㗎，味道其實清清地，又唔會太油膩。不過我覺得驚喜萬分嘅反而係呢個羊肉串，佢將羊肉打碎左在變成一條腸仔咁嘅形狀，中間已經有好多香料溝埋左，所以成條肉腸都好香香料味。嘢飲方面我就試咗個Gomes cocktail，職員話佢係用冧酒同埋Tequila溝埋，再加少少檸檬汁，就咁聽我以為酒精濃度會好高，但係飲落嘅時候味道都係偏甜，好易入口。另外朋友就試咗一杯peach margarita，佢個口感似係用蜜桃打成嘅smoothie ，杯邊嘅係糖，所以呢一杯嘅口感亦都係偏甜都係啱女仔飲。