Ukiyo

營業中

休息中

和風煙燻辣茄汁配慢煮和牛面頰意大利寬條麵呢個基本上係最iconic而且性價比高既一款意粉，辣茄汁係真係只有少少辣味調味而唔係好辣個種，配合埋佢已經炆到好淋既和牛面頰，成個配搭好夾而且又唔會好漏同埋太咸，整體真係好出色!炸薯條配wasabi mayonnaise & 明太子 mayonnaise薯條真係每台都會嗌因為佢既份量好多而且有跟好多唔同既醬，我地揀咗wasabi同埋明太子，兩款醬既味道都好突出又唔會好咸個款，鮮味為主，配薯條真係好岩!海鹽焦糖朱古力麻糬窩夫呢個都係呢到既重點，麻糬窩夫煙韌而且窩夫焗得好脆身而入邊既餡軟燸蛋香味十足，調味上有海鹽焦糖既層次，加埋一球朱古力雪糕真係好滿足!