影片
更多
2024-05-20
73 瀏覽
仲記得早年迪士尼出過一套戲CoCo「玩轉極樂園」, 雖然至今都有差不多十年但無忘記當中嘅感人情節，故事背景就係來自於墨西哥。點解會突然講起呢套戲？話說今晚去咗尖沙咀天文台道這家墨西哥酒吧餐廳，一打開本menu，裏面嘅墨西哥圖案畫風正正勾起了當中的回憶。酒吧餐廳有露天亦有室內座位，悉隨尊便，樓底夠高，整體不侷促，朋友聚聚飲返杯感覺很舒服。［墨西哥牛肉玉米餅沙律］玉米餅炸到成個碗咁放入沙律，當中沙律菜有蕃茄仔外，亦有牛油果更有紅石榴粒，同平時食開嘅港式沙律好有分別，口感幾新鮮，牛肉碎較為乾身，可以先將玉米餅搣一嚿出來，然後放入牛肉碎及沙律菜，再沾些調較過嘅醬汁，甜甜酸酸放入口中品嚐幾個層次。〔鐵板燒牛肉]由於係鐵板，侍應端來的時候就煙氣騰騰好有氣勢，帶來一份視覺衝擊，隨伴有墨西哥餅，另外有三款醬汁（分別係莎莎醬、乳酪、牛油果醬），可以逐一試下口味，個人覺得牛油果醬唔錯，因為好少見，甜甜地感覺幾新鮮得意。鐵板牛肉嫩滑，食落冇根冇渣，仲有蕃茄同青椒，健康配搭。之前冇做功課，所以唔知卷餅內包咗啲咩食材，除有豬肉碎外，原來仲有炒過嘅米飯、芝士、蔬菜等，墨西哥卷餅外皮幾香口，餡料豐富，可以點莎莎醬甜
酒吧餐廳有露天亦有室內座位，悉隨尊便，樓底夠高，整體不侷促，朋友聚聚飲返杯感覺很舒服。
［墨西哥牛肉玉米餅沙律］
玉米餅炸到成個碗咁放入沙律，當中沙律菜有蕃茄仔外，亦有牛油果更有紅石榴粒，同平時食開嘅港式沙律好有分別，口感幾新鮮，牛肉碎較為乾身，可以先將玉米餅搣一嚿出來，然後放入牛肉碎及沙律菜，再沾些調較過嘅醬汁，甜甜酸酸放入口中品嚐幾個層次。
〔鐵板燒牛肉]
由於係鐵板，侍應端來的時候就煙氣騰騰好有氣勢，帶來一份視覺衝擊，隨伴有墨西哥餅，另外有三款醬汁（分別係莎莎醬、乳酪、牛油果醬），可以逐一試下口味，個人覺得牛油果醬唔錯，因為好少見，甜甜地感覺幾新鮮得意。鐵板牛肉嫩滑，食落冇根冇渣，仲有蕃茄同青椒，健康配搭。
[烤豬肉墨西哥卷餅]
之前冇做功課，所以唔知卷餅內包咗啲咩食材，除有豬肉碎外，原來仲有炒過嘅米飯、芝士、蔬菜等，墨西哥卷餅外皮幾香口，餡料豐富，可以點莎莎醬甜甜酸酸，份量都幾大，若果一個人未必食得曬咁。
墨西哥菜式有其獨特性，朋友話如果加入香港口味可能會更好，不過我又覺得唔需要，因為保持「原汁原味」，先可以真正體驗到當地國家嘅文化特色。整體餐廳氣氛舒服，雖然餐廳冇播放「玩轉極樂園」主題「remember me」，不過食過呢餐之後我會記住呢間餐廳「remember you」！
張貼
