Bib n Hops (已結業)

Item: Bib n Hops
Rating: 3
Author: fai0826

3.5

40 食評

味道

環境

服務

衛生

抵食

2380

灣仔

$201-400

韓國菜酒韓式炸雞酒吧

fai0826

等級4

1.1K

這是一間沒有來過的餐廳，亦是今年Rest week 內唯一一間打住韓國旗號的餐廳，但看他人的食評也知道是並非走傳統路線，剛好友人C 近期改拜韓國，什麼也要 Korean first! 那麼我們就來一次極少有機會吃到的韓國料理吧

進場是有點奇怪的，因為樓下有牌跟樓梯上一層見有間吧，問服務員得知係樓上，但剛剛上來那樓梯沒有向上的階梯被迫搭笠！好無奈的搭一層，所以如果有朋友要來的話，還是在地面就搭笠算了

場內兩個服務員感覺是相當生硬，而剛好這天是Rest week的頭一天，在主菜過後，經理過來問問意見，本來好平常，我們講完意後，順帶一提了前菜的一品炸魷魚圈來了另一個焯尤魚！經理話去同廚師了解下，不過就沒有過來講返發生了什麼事？只是這麼小的一件事已經可以睇到類似的情況在日常的時間是何等平常！上頭係咁做野, 做細嘅就更加....所以對服務態度來說嚟呡度要求唔可以太高, 得過且過吧, 講返食物:

全個餐是三道菜, Starter- 帝皇蟹沙律/ 炸魷魚圈, 其實蟹是否帝皇?有幾多客人感覺得到呀, 但寫明係炸魷魚圈而來的是焯魷魚圈, 呢個就大部份人都發覺得到! 還好的是焯嘅魷魚圈一點都不失禮, 魷魚的質地是剛剛熟, 小小的青色毛荳在顏色配搭方面起咗相當好的作用, 而醮醬係一個比'較重味嘅味噌醬類似日式赤味噌,所以沾少少已經夠味, 沙律的青瓜絲反而係呢個沙律的靈魂,因為真的是佩服切青瓜絲的那位仁兄, 由於青瓜絲的粗幼同蟹肉差不多所以咀嚼上的調和感十分一致, 賣相亦係呢個沙律的特色但亦係最容易破壞整個外觀的成因, 我們要咗四個沙律, 最美觀的是現在照片中的一品, 其他的因為只要好輕微的那幾片紅蘿蔔仔的花瓣沒有稍稍斜向上,又或者三文魚籽放得太少/ 太多都會完全失平衡, 這是個相當考人的擺碟, 想必廚師是參考了很多其他廚師的成品千錘百鍊出來的意念, 用食物去表現一朵花, 模仿自然但又要求公整其實一點也不容易, 之所以四個成品只有一個能入鏡, 以一個完成度高的沙律在第一度搶人眼球的確係戰略上的招式, 但凡事都有正反兩面, 是否能夠收到預期效果則要看日後結果了,

Second Course - 韓式炸雞 / 韓式雞肉球

炸雞外皮夠脆, 內裡還保持豐富肉汁, 由於自己是第一次食呢味"炸雞"感覺OK啦, 不過友人C就話傳統韓式炸雞的外層炸衣比較簿, 或者這店的廚師就係想借此做出區別來也說不定!

另一個雞肉球做得更好, 因為用雞肉做肉丸並不是易事, 味道保持中庸, 在丸頂的一小點淺黃色係蛋黃做的小裝飾, 蛋黃味不重唔講可能你會唔知,

Main - 豬肉石鍋拌飯

, 傳統一點的味道, 豬腩肉肥瘦相間肉味濃郁, 尤其是已被至面燶燶多了一層煙燻香氣, 而當服務員放下石鍋二話不說,手起义落隨即撈飯, 好明顯佢無諗過客人可能想拍照後才撈飯, 又或者客人唔介意自己動手撈飯呢? 我地並不是介意影唔到相, 只係慨嘆服務業人材凋零, 員工訓練不足, 青黃不接, 本來這個Restaurant Week係一個好好磨練員工的好機會但這也得看管理層心態!

人參雞湯泡飯, 以煮義大利飯的技巧泡製的韓式泡飯, 味道是保持韓式的人參味"苦" 但只有苦味的飯有誰懂欣賞呢

? 是否應該起碼滲入些雞湯的甜味又或者植物的清甜味呢? 作為主菜比起幾片刨出來的雞胸肉是否用丁方的胸肉好一點? 傳統的人參雞湯係半隻雞耶!明白這是一個變奏但也應該考慮一下原來的版本, 免得做了另一個新菜式,

韓式燒牛肋骨, 注意這個菜是沒有骨落地的, 放於一旁的類似泡菜其實是沙律菜, 全紅色的拌汁甜不辣, 牛肋肉似乎經過低溫煮熟, 完全軟淋甚至去到"滑"嘅口感, 不過淋在牛肉上的醬汁味道有點霸道,基本上吃不出牛味,同樣伴菜令人驚訝的出色，貌似薯蓉但細看感覺有纖維質地，食落就完全知道呢個係西芹忌廉蓉，口感清新之餘菜的甜味完全跟那濃濃醬汁成一對比，天然的甜，醬汁的甜，鮮紅沙律汁的甜，有趣的對比

甜品的炸冬甩加30蚊/份, 每份有兩粒&一球雪糕,炸冬甩係一個糯米粉做嘅實心紫薯煎堆, 外滾上砂糖配一球只有甜的云呢嗱雪糕

,還好是伴碟的紅莓/ 籃莓是微酸的, 多少都可以補救過甜的甜品,

出奇地這裡的house wine白(加35蚊)有相當唔錯的果香(石榴) 乾身但沒太辛辣易入口