ROYAL INN

餐廳：Royal INN地點：銅鑼灣皇室堡菜式：法國菜餐牌：Express午市餐牌有5款主菜揀，價錢由$98至$128不等，另加一。可以加$18加沙律或者湯同$28或以下飲品，可加錢叫甜品。田園沙律 田園沙律用碟上，係新鮮沙律雜菜加少少洋蔥，青瓜片同紅車厘茄，加上香醋酸酸地，夠味道，口感啖啖爽脆。牛油香辣蝦蒜香忌廉手工戒指意粉 $118 另加一Al dente手工戒指意粉撈有少少豆同紅蘿蔔粒，個忌廉醬汁豐富，味道剛好，口感一流。面頭三隻牛油香辣蝦，香脆爽甜。燒美國豬肉眼扒 $128 另加一美國豬肉眼扒一大件，好多肉食，表面有明顯烤印，加上少少燒汁。豬扒半肥瘦，肉質嫩口，豬味濃，碟邊伴有燒汁同少少香甜黑醋，再另上一細兜燒汁比你自己加。肉眼扒下面伴有七件淋淋烤連皮薯仔，仲有鬼佬西蘭花同烤蕃茄。面頭加上菜苗同食用花。梳打水 梳打水係大大支玻璃樽裝，泰國出品。另上一大杯冰，解渴之選。雪碧汽水都有可樂揀。呢度食物質素的確唔錯，而且擺盤精緻，呢個午餐價錢實惠。餐廳裝修非常之靚，周圍都有鏡同水晶燈，用雲石枱同木藤椅，枱面有鮮花。一入門口就有個白色噴泉，聽住流水聲食飯，好有歐洲風格。環境氣氛唔錯。