影片
更多
2015-07-18
2462 瀏覽
見網上講得呢間咁好食，約朋友去尖沙咀分店食生日飯，可惜無得訂位，足足等咗一粒鐘。佢有限時90分鐘，但原來佢地又唔係分時段入座，只係分時段派飛，安排有點奇怪，不過好在可以行開一陣去附近店鋪睇吓嘢，但唔可以走太遠因過咗就無得補上。如果8：30先去食就應該唔洗等位。我地二人叫咗個全餐食，由頭盤到甜品都點咗，因可能無下次，所以一次過試晒先知值唔值encorn。雞腿凱薩沙律，剛好只得兩舊雞肉，味道無驚喜雞肉煮得較乾，建議只點凱薩沙律較好。松露薯條，好重松露味，喜歡松露必食。炒菌菇，我一向都好喜歡食牛油炒磨菇，呢個一樣都好好味！到主菜花枝帶子麵，明明係意粉唔知點解叫麵呢？呢到主菜就只有意粉無其他，幸好這意粉味道不錯，帶子大大粒，二人剛好一人一大粒，但又是煎得乾少少，不過朋友就喜歡這種乾乾的口感。到甜品，我一向都不喜歡食甜，但甜品算係呢到賣點，所以點都要試。我真心覺得teawood個蜜糖厚吐司好味好多，或許我唔鍾意佢將面啲包整到乾脆，我真不喜歡佢乾，包條完全無味囉。蜜糖只是另上，所以食落無滿滿蜜糖味係個包內。不過，我聽另一朋友講吐司內的包條應該有牛油同蜜糖味，或許人多，呢間做漏咗步驟😳最不明白係每人
見網上講得呢間咁好食，約朋友去尖沙咀分店食生日飯，可惜無得訂位，足足等咗一粒鐘。佢有限時90分鐘，但原來佢地又唔係分時段入座，只係分時段派飛，安排有點奇怪，不過好在可以行開一陣去附近店鋪睇吓嘢，但唔可以走太遠因過咗就無得補上。如果8：30先去食就應該唔洗等位。
我地二人叫咗個全餐食，由頭盤到甜品都點咗，因可能無下次，所以一次過試晒先知值唔值encorn。
雞腿凱薩沙律，剛好只得兩舊雞肉，味道無驚喜雞肉煮得較乾，建議只點凱薩沙律較好。
松露薯條，好重松露味，喜歡松露必食。
炒菌菇，我一向都好喜歡食牛油炒磨菇，呢個一樣都好好味！
到主菜花枝帶子麵，明明係意粉唔知點解叫麵呢？呢到主菜就只有意粉無其他，幸好這意粉味道不錯，帶子大大粒，二人剛好一人一大粒，但又是煎得乾少少，不過朋友就喜歡這種乾乾的口感。
到甜品，我一向都不喜歡食甜，但甜品算係呢到賣點，所以點都要試。我真心覺得teawood個蜜糖厚吐司好味好多，或許我唔鍾意佢將面啲包整到乾脆，我真不喜歡佢乾，包條完全無味囉。蜜糖只是另上，所以食落無滿滿蜜糖味係個包內。不過，我聽另一朋友講吐司內的包條應該有牛油同蜜糖味，或許人多，呢間做漏咗步驟😳
最不明白係每人最低消費一杯飲品，咁我地每人已過一杯飲品消費，但都必須每人叫一杯，侍應仲話如果真飲唔到可外賣，咁就不是最低消費呢，而是必需order啦！ 你入黎可以只係飲嘢唔食嘢，但絕不能食嘢唔飲嘢😳最後點了洋甘菊蘋果茶，但居然無晒熱只有凍，都好啦試吓，一向怕台灣飲品甜，但呢個茶又幾清幾好味。
但食到咁飽，當然飲熱茶消濟好啲，朋友叫咗熱四果茶，味道係甜甜的鬼佬生果茶。其實飲品都值得試👍
眼見好多人都食唔甜品，有的飲品只飲一半😳我兩就咁多都清晒，好奇係唔好味定啲人細食？應該都會再黎試其他
張貼
